Ana de Dinamarca foi una princesa de la Casa de Oldenburgu y depués reina consorte d'Inglaterra y Escocia al casase con Xacobu VI d'Escocia.
Biografía Yera la segunda fía, de los 7 renuevos, del rei Federico II de Dinamarca y Noruega y la so esposa Sofía de Mecklemburgu-Güstrow.
Matrimoniu Ana casó por poderes na ciudá d'Oslu, el 23 de payares de 1589, col rei Xacobu VI d'Escocia -depués I d'Inglaterra-. La ceremonia formal de matrimoniu llevóse a cabu na ciudá de Krondborg, el 21 de xineru de 1590, mientres la visita del rei Xacobu a Dinamarca. Al so regresu a Escocia, foi coronada reina na abadía de Holyrood, el 17 de mayu d'esi mesmu añu, a la edá de catorce años y concibió trés neños que sobrevivieron la primer infancia, incluyendo'l futuru Carlos I d'Inglaterra.
Demostró independencia de talante y disposición a usar la política ente facciones escoceses nos sos conflictos con Xacobu sobre la custodia de Príncipe Enrique y el so tratamientu de la so amiga Beatriz Ruthven. Ana paez amar a Xacobu de primeres, pero la pareya gradualmente foise alloñando. A la fin vivieron aparte anque sobrevivió un respetu mutuu y ciertu grau de ciñu.
Anque Ana y Xacobu tuvieron bien xuníos al entamu del so matrimoniu, gradualmente fuéronse alloñando. Poco dempués de la so boda, ella reniega del luteranismu y abraza la relixón católica, ganándose l'odiu de los sos súbditos escoceses, que yeren presbiterianos —y depués el de los anglicanos ingleses—.
Al morrer la reina Isabel I, Xacobu VI asocéde-y nel tronu inglés como Xacobu. El 25 de xunetu de 1603, ye coronada reina d'Inglaterra, al pie del so home, na abadía de Westminster.
El so ritmu de vida estravagante, qu'incluyó l'ampliación de la so residencia en Londres, Somerset House —a la que rebautizó como Denmark House—, tráxolu serios conflictos col so home.
Descendencia Enrique Federico (1594 - 1612), duque de Rothesay dende la so nacencia y al xubir el so padre al tronu inglés, duque de Cornualles (1603) y príncipe de Gales (1610).
Un fíu (xunetu de 1595).
Isabel (1596 - 1662), casada con Federico V, eleutor palatín del Rin y pretendiente al tronu de Bohemia.
Margarita (1598 - 1600).
Carlos (1600 - 1649), nomáu duque d'Albany (1603) y de York (1605); rei d'Inglaterra como Carlos I, al asoceder al so padre pola muerte del so hermanu mayor.
Roberto (1602), nomáu duque de Kintyre (1602).
Un fíu (1603).
María (1605 - 1607).
Sofía (1606). Morrió en Hampton Court, el 4 de marzu de 1619, a los 44 años d'edá, siendo soterrada na abadía de Westminster.
Ancestros Ancestros d'Ana de Dinamarca
Referencies
Enllaces esternos