Florentino Alonso Piñón ye un periodista asturianu.
Biografía De 1983 a 1986 trabayó nos servicios informativos d'Antena 3 Radio n'Asturies. Ente 1986 y 1989 foi xefe de la seición Llocal del diariu El Correo de Asturias y redactor de los servicios informativos de Radiocadena Española n'Asturies. Darréu dirixó y presentó en Radio Nacional de España'l programa "Asturias Cuatro Esquinas". En 1990 incorporóse al selmanariu Hoja del Lunes d'Uviéu.La Nueva España Florentino Alonso Piñón Consejero de la Presidencia
El 10 de mayu de 1996 foi nomáu pol Conseyu de Ministros direutor xeneral d'Información de la Vicepresidencia Primera del Gobiernu y del Ministeriu de la Presidencia. Esi mesmu añu foi nomáu miembru del conseyu d'alministración de Agencia EFE, puestu nel que cesó nel añu 2004.
Ente los años 2000 y 2004 foi direutor d'Información del Ministeriu de Fomentu y vocal del conseyu d'alministración del ente públicu Red.es.
De xineru de 2006 a xunu de 2011 foi direutor de los departamentos de Prensa y Comunicación del Conceyu de Pozuelo de Alarcón (Comunidá de Madrid). En 2008 foi columnista del diariu económicu La Gaceta de los Negocios.
Dende'l 18 de xunetu de 2011 hasta'l 28 de mayu de 2012 foi conseyeru de Presidencia del Gobiernu del Principáu d'Asturies nel gobiernu de Foru Asturies y presidente de les entidaes públiques Bomberes del Principáu d'Asturies y 112 Asturies.La Nueva España 16-10-2011
Referencies
Enllaces esternos
Categoría:Periodistes d'Asturies Categoría:Políticos y polítiques d'Uviéu