Beatriz Corredor Sierra ye una xurista y política española.
Biografía En 1991 llicencióse en Derechu na Universidá Autónoma de Madrid, y ye rexistradora de la propiedá dende 1993. Ta afiliada al PSOE dende 2003, y foi secretaria de Muyer ya Igualdá na agrupación de San Blas-Canillejas de Madrid. Ocupó'l puestu 20 na candidatura del PSOE pa les eleiciones municipales de mayu de 2007 en Madrid.: Foi conceyala ente setiembre de 2007 hasta 2008, siendo voceru del Grupu Socialista nel Área de Vivienda y nel distritu de Barajas. Ocupó'l cargu de direutora del Serviciu d'Estudios Rexistrales de Castiella-La Mancha dende 2002 hasta 2007 y el puestu de vocal rexistrador nel Tribunal d'Oposiciones al Cuerpu de Rexistradores de la Propiedá y Mercantiles d'España, siendo la primer muyer n'ocupar el cargu.
El 12 d'abril de 2008 foi nomada ministra de Vivienda na IX Llexislatura, sol gobiernu de José Luis Rodríguez Zapatero.
El 20 d'ochobre de 2010 dexó de ser ministra de Vivienda, una y bones esti Ministeriu dexó d'esistir, integrándose nel Ministeriu de Fomentu, pasando Beatriz Corredor ocupar el cargu de secretaria d'Estáu de Vivienda y Actuaciones Urbanes, de nueva creación y dependiente del Ministeriu de Fomentu.Conseyu de Ministros del 22 d'ochobre de 2010.
Cargos desempeñaos Conceyal del Conceyu de Madrid (2007-2008). Ministra de Vivienda d'España (2008-2010). Secretaria d'Estáu de Vivienda y Actuaciones Urbanes d'España (2010-2011). Vocal de Rellaciones Institucionales de la Xunta del Colexu de Rexistradores (2013-...). Secretaria d'Ordenación del Territoriu y Polítiques de Vivienda del PSOE (dende 2017).
Referencies
Enllaces esternos
Categoría:Persones de la Comunidá de Madrid Categoría:Políticos y polítiques del Partíu Socialista Obreru Español Categoría:Ministros y ministres d'España Categoría:Políticos y polítiques d'España Categoría:Secretarios d'Estáu d'España Categoría:Rexistradores d'España