Susan Diane Wojcicki foi direutora executiva de YouTube de 2014 a 2023. El so patrimoniu netu estimóse en 765 millones de dólares en 2022.
Wojcicki trabayó na industria tecnolóxica per más de venti años. Participó na creación de Google en 1998, cuando arrendó'l so garaxe como oficina a los fundadores de la empresa. Trabayó como la primer xerente de marketing de Google en 1999 y depués dirixó'l negociu de publicidá en llinia y el serviciu de videos orixinales de la empresa. Dempués de reparar l'ésitu de YouTube, suxirió que Google tendría de mercalo; l'alcuerdu zarróse por 1.650 millones de dólares en 2006. Foi nomada directora executiva de YouTube en 2014, cargu qu'ocupó hasta la so dimisión en febreru de 2023.
Biografía Fía d'Esther Hochman y Stanley Wojcicki, tenía amás dos hermanes. Estudió Historia y Lliteratura na Universidá de Harvard. Considerada una de les persones más riques n'Estaos Xuníos y na llista de Forbes de les 100 muyeres del mundu más poderoses.
Casó con Dennis Troper l'añu 1998 en Belmont (California) y foi madre de cinco fíos.
El 9 d'agostu de 2024, a los 56 años d'edá, finó por cuenta de un cáncanu de pulmón, como confirmó'l so maríu en Facebook.
Referencies
Enllaces esternos
Categoría:Empresarios y empresaries d'Estaos Xuníos Categoría:YouTube Categoría:Persones de California