Matti Ensio Nykänen (Jyväskylä, Finlandia, 17 de xunetu de 1963) ye un ex-saltador d'esquí finés. Nykänen apoderó'l deporte nos años 1980 y ye'l saltador más gallardoniáu de la historia.
Carrera deportiva Nykänen, de forma similar al so eternu rival, Jens Weißflog ye un saltador llixeru. Nel campeonatu del mundu de saltu de 1982 en Holmenkollen consiguió'l so primera gran trunfu a los 19 años d'edá. A esi títulu siguieron otros tres títulos por equipos nos campeonatos del mundu siguientes (1985, 1987 y 1989).
Dempués de la primer victoria nel Tornéu de los 4 trampolinos en 1983 Nykänen ganó un añu más tarde tamién nos Xuegos Olímpicos de 1984 en Sarayevu la medaya d'oru na disciplina de saltu llargu, consiguiendo asina los títulos más acobiciaos.
Nel saltu d'esquí ganó en marzu de 1984 en Oberstdorf, ameyorando'l récor del mundu con un saltu de 185 m. En 1985 ganó'l Campeonatu del Mundu en Planica con un nuevu récor de 191m. En 1987 concedióse-y la Medaya Holmenkollen.
1988 foi probablemente la so meyor temporada, ganando'l Tornéu de los 4 Trampolinos con autoridá y consiguiendo les trés medayes d'oru 4 años más tarde nos Xuegos Olímpicos de Calgary.
A finales de los años 1980 los resultaos dexaron de rellumar. Los sos problemes d'alcoholismu fueron de conocencia pública. Finalmente terminó la so carrera en 1991 ensin nengún ésitu.
Ganó un total de 46 saltos de la Copa del Mundu, lo que-y fai'l saltador más gallardoniáu de la historia per delantre del saltador polacu Adam Małysz (39 victories) y del austriacu Gregor Schlierenzauer (39).
Dempués de la so carrera
Nykänen incursionó nel mercáu musical y del strip tease ensin ésitu. Igualmente, cásose y divorció en 3 ocasiones. Ye habitual de la prensa del corazón finlandesa, onde s'escribe con detalle sobres les sos escapaes, tamién s'informa que carez de TDAH. En 2003 publicó la so autobiografía col títulu «Saludos dende l'Infiernu».
N'agostu de 2004, dempués d'una torna bastante esitosu na escena musical finlandesa como cantante de pop, Nikänen y la so esposa fueron sospechosos d'intentu d'asesinatu. Acusóse-yos de mancar con una arma blanca a un amigu de 59 años en plenu enfile por una engarradiella al xugar a la gallinos nuna cabaña na ciudá de Nokia.
Foi condergáu a 26 meses d'arrestu. Esi añu careció d'un ataque al corazón, del que se recuperó. Dempués de 13 meses na cárcel, concedióse-y en setiembre de 2005 la llibertá condicional, magar, tres 103 hores de llibertá volvió a la prisión preventiva, dempués de que la so esposa Mervi acusáralu de provoca-y una firida na cabeza con un oxetu contundente mientres taba borrachu.
Yá que Mervi finalmente nun presentó una denuncia, Nykänen volvió gociar de llibertá. En marzu de 2006 condergóse-y a 4 meses d'arrestu por maltratar a la so esposa.
El 13 de xineru de 2006 publicóse una película sobre la vida de Matti Nykänens nos cines finlandeses. El papel protagonista corrió a cargu del famosu actor finés Jasper Pääkkönen.
El 28 de febreru de 2008 Matti Nykänen ganó'l títulu de campeón del mundu de veteranos de saltu d'esquí nuna pequeña pista en Taivalkoski, Finlandia na categoría d'ente 40 y 44 años. El día anterior foi quintu na competición K-50.
El 25 d'avientu de 2009, según los medios, atacó a la so esposa con un cuchiellu y foi de nuevu arrestáu. Mervi Tapola consiguió abellugase en casa d'un vecín con firíes d'arma blanca.Spiegel Online, consultáu'l 27 d'avientu de 2009
Éxito Victories na Copa del Mundu Nr. Fecha Llugar País 1. 30 d'avientu de 1981 Oberstdorf Alemaña 2. 28 de febreru de 1982 Oslu Noruega 3. 13 de marzu de 1982 Tauplitz/Bad Mitterndorf Austria 4. 18 d'avientu de 1982 CLugarina d'Ampezzo Italia 5. 4 de xineru de 1983 Innsbruck Austria 6. 15 de xineru de 1983 Lake Placid Estaos Xuníos 7. 16 de xineru de 1983 Lake Placid Estaos Xuníos 8. 23 de xineru de 1983 Thunder Bay Canadá 9. 18 de febreru de 1983 Vikersund Noruega 10. 19 de febreru de 1983 Vikersund Noruega 11. 20 de febreru de 1983 Vikersund Noruega 12. 27 de febreru de 1983 Falun Suecia 13. 27 de marzu de 1983 Planica Eslovenia 14. 18 de febreru de 1984 Sarayevu Bosnia y Herzegovina 15. 3 de marzu de 1984 Lahti Finlandia 16. 4 de marzu de 1984 Lahti Finlandia 17. 17 de marzu de 1984 Oberstdorf Alemaña 18. 18 de marzu de 1984 Oberstdorf Alemaña 19. 4 de xineru de 1985 Innsbruck Austria 20. 9 de febreru de 1985 Sapporo Xapón 21. 2 de marzu de 1985 Lahti Finlandia 22. 10 de marzu de 1985 Oslo Noruega 23. 23 de marzu de 1985 Štrbské Pleso Eslovaquia 24. 24 de marzu de 1985 Štrbské Pleso Eslovaquia 25. 11 de xineru de 1986 Harrachov Tschechien 26. 18 de xineru de 1986 Klingenthal República Democrática Alemana 27. 25 de xineru de 1986 Sapporo Xapón 28. 26 de xineru de 1986 Sapporo Xapón 29. 1 de marzu de 1986 Lahti Finlandia 30. 2 de marzu de 1986 Lahti Finlandia 31. 22 de marzu de 1986 Planica Eslovenia 32. 7 d'avientu de 1986 Thunder Bay Canadá 33. 1 de marzu de 1987 Lahti Finlandia 34. 8 de marzu de 1987 Falun Suecia 35. 5 d'avientu de 1987 Thunder Bay Canadá 36. 6 d'avientu de 1987 Thunder Bay Canadá 37. 19 d'avientu de 1987 Sapporo Xapón 38. 20 d'avientu de 1987 Sapporo Xapón 39. 1 de xineru de 1988 Garmisch-Partenkirchen Alemaña 40. 4 de xineru de 1988 Innsbruck Austria 41. 6 de xineru de 1988 Bischofshofen Austria 42. 20 de xineru de 1988 St. Moritz Suiza 43. 5 de marzu de 1988 Lahti Finlandia 44. 6 de marzu de 1988 Lahti Finlandia 45. 17 d'avientu de 1988 Sapporo Xapón 46. 1 de xineru de 1989 Garmisch-Partenkirchen Alemaña
Posiciones na Copa del Mundu Temporada Posición Puntos 1981/82 4 138 1982/83 1 277 1983/84 2 217 1984/85 1 224 1985/86 1 250 1986/87 6 133 1987/88 1 282 1988/89 9 106 1989/90 19 55
Enllaces esternos Páxina web oficial de Matti Nykänen Inoffizielle Website über Matti Nykänen (en finés) (n'inglés)
Referencies
Categoría:Esquiadores de Finlandia
Categoría:Wikipedia:Mantenimientu:Persones ensin plantía nym