Luciano Floridi ye un filósofu italianu especializáu na filosofía de la información, la ética dixital, la ética de la intelixencia artificial y la filosofía de la teunoloxía. Considérase ún de los principales impulsores de la filosofía de la información como campu d'investigación filosófica. Ye John K. Castle Professor in the Practice of Cognitive Science na Universidá Yale, onde ye tamién fundador y direutor del Digital Ethics Center, y caderalgu de la Universidá de Boloña.
Trayeutoria Floridi nació'l 16 de payares de 1964 en Roma. Estudió na Universidá de Roma La Sapienza, onde obtuvo la laurea, y completó un M.Phil. y un doctoráu na Universidá de Warwick. Primero de treslladase a Yale en 2023 foi profesor de Filosofía y Ética de la Información nel Oxford Internet Institute de la Universidá d'Oxford. La so investigación céntrase na naturaleza de la información y nos problemes conceutuales y éticos derivaos de la dixitalización, incluyendo la intelixencia artificial, la privacidá, la gobernanza de datos y la rellación ente les persones y les teunoloxíes dixitales.
La obra de Floridi desenvolvió'l conceutu de filosofía de la información como una área filosófica dedicada a estudiar la naturaleza conceutual de la información, les sos dinámiques y el so papel na comprensión de la realidá. Tamién propunxo'l términu infosfera pa analizar l'ambiente informacional nel que persones y sistemes teunolóxicos interactúen, y desenvolvió una ética de la información aplicada a los efeutos sociales de les teunoloxíes dixitales. Publicó más de 400 trabayos sobre estes materies.
Reconocimientos En 2022, el presidente italianu Sergio Mattarella concedió-y la Gran Cruz de la Orde al Méritu de la República Italiana, y en 2026 recibió'l Premio Strega Saggistica Internazionale.
Obra Ente les sos principales publicaciones atópense:
Scepticism and the Foundation of Epistemology (1996). Internet: An Epistemological Essay (1997). Philosophy and Computing: An Introduction (1999). Sextus Empiricus: The Transmission and Recovery of Pyrrhonism (2002). The Blackwell Guide to the Philosophy of Computing and Information (ed., 2003). Information: A Very Short Introduction (2010). The Philosophy of Information (2011). The Ethics of Information (2013). The Fourth Revolution: How the Infosphere is Reshaping Human Reality (2014). The Logic of Information: A Theory of Philosophy as Conceptual Design (2019). The Ethics of Artificial Intelligence: Principles, Challenges, and Opportunities (2023). The Green and the Blue: Naive Ideas to Improve Politics in the Digital Age (2023).
Referencies
Enllaces esternos Páxina personal de Luciano Floridi Perfil nel Digital Ethics Center de la Universidá Yale
Categoría:Filósofos y filósofes d'Italia Categoría:Filósofos y filósofes del sieglu XX Categoría:Filósofos y filósofes del sieglu XXI Categoría:Filósofos y filósofes de la teunoloxía Categoría:Investigadores de la intelixencia artificial Categoría:Profesores de la Universidá Yale Categoría:Profesores de la Universidá d'Oxford Categoría:Profesores de la Universidá de Boloña Categoría:Persones nacíes en 1964 Categoría:Persones nacíes en Roma