Gonzalo González Barreñada ye un escritor asturianu.
Biografía
Ta llicenciáu en Xeografía y Historia y especializáu n'Historia del arte. Collaboró cola revista Campo de los Patos y ye'l creador d'un universu lliterariu propiu desarrolláu nel llugar imaxinariu de Burgundu. La so obra etíquétase como "realismu máxicu", con influyencies al empar del cuentu tradicional y la lliteratura centroeuropea.
Nel añu 2019 fízose col Premiu Xuan María Acebal de poesía col poemariu tituláu El llar n'ordeGonzalo González Barreñada gana el Premio Xuan María Acebal de poesía en asturiano El Comercio Consultao'l 14.11.2019, que foi espublizáu al otru añu. Con esti poemariu, Barreñada foi distinguíu pol Premiu de la Crítica de l'Asociación d'Escritores d'Asturies, na modalidá de poesía n'asturianu.Alejandro Céspedes y Gonzalo G. Barreñada ganan los Premios de la Crítica de Poesía El Comercio. Consultao'l 14.01.2022
2022 foi l'añu de la so consagración al ganar el Premiu Xosefa Xovellanos de Novela con El viaxe del cacique, el Premiu de Novela Curtia Andrés Solar Santurio con La guerra del Medrosu, y'l Premiu Teodoro Cuesta de Poesía por Cartes al treslluz.
N'El viaxe del cacique, l'autor xuega cola ficción dientro del rellatu históricu, escapando d'esta manera de la llinia convencional y rigurosa que munches veces atopamos nesti xéneru lliterariuSOLÍS, Javi (2023) Javi Solís reseña «El viaxe del cacique». Sitiu web de formientu.com Consultao'l 28.12.2023
Obres
Poesía
(2019) El pesu de la lluz. Saltadera.
(2023) Cartes al treslluz. Ediciones Trabe.
Narrativa
(2021) La hestoria ensin contar. Ediciones Trabe (2023) El valle encesu. Ediciones Trabe (2023) El viaxe del cacique. Impronta Editorial (2023) La guerra del Medrosu. Impronta Editorial
Otros (2015) Dos cuentos na revista Campu de los Patos númb. doble 5-6 (2017) El cuadernu bermeyu na revista Campu de los Patos númb. 7
Premios
2019 Premiu Xuan María Acebal de poesía por El llar n'orde 2021 Premiu de la Crítica de l'Asociación d'Escritores d'Asturies, na modalidá de poesía n'asturianu. por El llar n'orde 2021 Tercer Premiu nel Concursu de Cuentos pola Oficialidá del Asturianu de Bimenes con La muerte d'acebache 2022 Premiu Xosefa Xovellanos de Novela con El viaxe del caciquehttps://www.elcomercio.es/culturas/gonzalo-barrenada-gana-20220916001100-ntvo.html 2022 Premiu Andrés Solar Santurio de Novela Curtia por La guerra del Medrosu 2022 Premiu Teodoro Cuesta de Poesía por Cartes al treslluz. 2022 Tercer Premiu nel Concursu de Cuentos pola Oficialidá del Asturianu de Bimenes con Verde como los tos güeyos. 2025 Primer Premiu adultos n'asturianu nel Certame Internacional de cuentos curtios "Mánfer de la Llera" con Seda 2025 Premiu Relatos curtios Xosé Caveda y Nava con L'otru país
Referencies
Enllaces esternos
Categoría:Escritores d'Asturies Categoría:Escritores n'asturianu Categoría:Persones de Samartín del Rei Aurelio