Alba González Villa, más conocida pol so nome artísticu Alba Flores, ye una actriz española, principalmente conocida por interpretar los personaxes de Saray en Vis a vis y Nairobi en La casa de papel.
Biografía Alba Flores ye la única fía del músicu y compositor Antonio Flores, quien-y dedicó un cantar col so nome, y Ana Villa, productora de teatru. De la mesma ye nieta de Lola Flores, sobrina de les tamién cantantes Lolita Flores y Rosario Flores y prima de l'actriz Elena Furiase.
Estudió interpretación dende los trelce años d'edá, dexando nun segundu planu la faceta musical de los sos ascendientes. Na so curtia vida como actriz, realizó numberoses obres; anque les más trascendentes a nivel mediáticu son Lluna de miel n'Hiroshima (2005) y la versión xitana de Suañu d'una nueche de branu (2007).
Debutó nel cine cola película El Calentín (2005), de Chus Gutiérrez, con Verónica Sánchez, Ruth Díaz, Macarena Gómez, Estíbaliz Gabilondo y Agua Colorao ente otros intérpretes.
En televisión participó nun episodiu de la serie El comisario, nel añu 2006. En 2008, consiguió un papel na serie d'Antena 3 TV El síndrome de Ulises. A finales d'esi mesmu añu empezó'l musical Namoraos anónimos.
En 2009 grabó la tema del so padre Nun puedo namorame de ti, pa la banda sonora de la película de Roberto Santiago Al final del camino, protagonizada por Malena Alterio y Fernando Tejero.
En 2013 estrenó na cadena Antena 3, la serie El tiempo entre costuras na que da vida al personaxe de Jámila. En 2014 participó nun capítulu de la serie de TVE Cuéntame como Chelo, una importante testigu d'una trama de policías corruptos. En 2015 pasó a formar parte de la nueva serie d'Antena 3 Vis a vis onde interpreta a Saray Vargas, una moza d'etnia xitana que s'enfrenta a una pena de 4 años de cárcel per asaltu con violencia.
El 25 d'abril de 2017 apaeció xunto a Úrsula Corberó nel programa de televisión El Hormiguero pa promocionar el so últimu proyeutu, La casa de papel, que s'estrenó'l 2 de mayu de 2017.
Cine Añu Película Direutor 2005 El calentín Chus Gutiérrez 2015 La memoria de l'agua Matías Bize
Teatru Añu Obra Autor Direutor 2016 La rosa tatuada Tennessee Williams Carme Portaceli 2016 Drac Pack Najwa Nimri, Emilio Tomé y Carlos Dorrego Fernando Soto 2017 Troyanes Eurípides, versión d'Alberto Conejero Carme Portaceli
Series de televisión Añu Serie Personaxe Episodios 2006 El comisario Sohara 1 episodiu 2008 El síndrome de Ulises Arabia Salazar 1 episodiu 2013 El tiempo entre costuras Jámila 5 episodios 2014 Cuéntame cómo pasó Chelo 1 episodiu 2015-2016, 2018-¿? Vis a vis Saray Vargas 32 (+8 confirmaos) 2017, 2019 La casa de papel Ágata Jiménez "Nairobi" 15 (+¿? confirmaos)
Premios
Premiu Ondas Añu Categoría Película Resultáu 2015 Meyor intérprete femenín en ficción (ex aequo repartu femenín) Vis a vis Ganadora
Premios de la Unión d'Actores Añu Categoría Película Resultáu 2015 Meyor actriz secundaria de televisión Vis a vis Nomada
Premios Feroz Añu Categoría Película Resultáu 2016 Meyor actriz de repartu nuna serie Vis a vis 2017 Meyor actriz de repartu nuna serie La casa de papel
Referencies
Enllaces esternos
Categoría:Actores y actrices de televisión d'España Categoría:Actores y actrices de cine d'España Categoría:Actores y actrices de Madrid