Rebecca Lynn "Becky" Hammon ye una entrenadora de baloncestu y ex-xugadora profesional de baloncestu d'Estaos Xuníos anque ta nacionalizada rusa, pasó la mayor parte de la so carrera en San Antonio Silver Stars de la Lliga de la WNBA. La so posición yera la de base, destacando pola so habilidá pa dar bonos pases y el so porcentaxe na llinia de tiros llibres. El 23 de xunetu de 2014 anunciaba la so retirada del baloncestu profesional. Rebecca ta considerada como una de les meyores xugadores de la hestoria de la WNBA, siendo incluyida nun Top-15 en 2011 y nun Top-20 de meyores xugadores de la lliga norteamericana.
Anguaño ye entrenadora asistente de los San Antonio Spurs de la NBA, convirtiéndose na primer muyer qu'ocupa esi puestu na historia de la lliga.
Carrera
Xugadora A pesar de nun ser escoyida nel Draft de la WNBA de 1999, xunióse a les New York Liberty faciendo un papel de suplente de la base titular Teresa Weatherspoon. En 2004 sería nomada co-capitana del equipu, cargu qu'ocuparía hasta la so marcha en 2006, cuando coló pa les San Antonio Stars. Col equipu texanu consiguió asitiase na Lliga como una de les meyores bases de la competición. Frutu d'ello fueron los sos dos nominaciones a meyor equipu del añu, nos años 2007 y 2009.
En 2014 decidió poner fin a la so carrera como xugadora profesional y empezar la so carrera como entrenadora.
El 25 de xunu de 2016, el so dosal 25 foi retiráu poles Stars, siendo la primer muyer en tener un dosal retiráu en dichu equipu.
Entrenadora Desque fichara nel 2014 como entrenadora asistente de Gregg Popovich nos San Antonio Spurs, exerció nel cargu toles temporaes. Nel branu de 2015, foi escoyida como entrenadora principal pa dirixir a los Spurs na NBA Summer League, títulu qu'acabaríen ganando.
Trayeutoria
Xugadora
WNBA New York Liberty (1999-2006) San Antonio Stars (2007-2014)
Europa Trentín Rovereto (2001-2002) Rivas Ecópolis (2006-2007) CSKA Moscú (2007-2009) Ros Casares Valencia (2009-2010) Nadezhda Oremburgo (2010-2011) Spartak Rexón de Moscú (2011-2012)
Entrenadora San Antonio Spurs (2014-Presente) (Asist.)
Gallardones y llogros
Títulos en WNBA Campeona de la Conferencia Este (3): 1999, 2000 y 2002 Campeona de la Conferencia Oeste (1): 2008
Títulos n'Europa Campeona de la Lliga d'España (1): 2010 Campeona de la Copa de la Reina (1): 2010
Distinciones individuales All-Star (6): 2003, 2005-2007, 2009 y 2011 Meyor Quintetu de la WNBA (2): 2007 y 2009 Segundu Meyor Quintetu de la WNBA (2): 2005 y 2008 Máxima Asistente de la WNBA (1): 2007 Top15 Meyores Xugadores de la Historia de la WNBA: 2011 Top20 Meyores Xugadores de la Historia de la WNBA: 2016 Númberu 25 retiráu por San Antonio Stars
Referencies
Enllaces esternos
Ficha en sports-reference Pefil en WNBA
Categoría:Xugadores de baloncestu d'Estaos Xuníos Categoría:Entrenadores de baloncestu d'Estaos Xuníos Categoría:Xugadores de baloncestu de la WNBA Categoría:Deportistes de Dakota del Sur