Sharp Objects ye una miniserie d'Estaos Xuníos de thriller psicolóxicu basada na novela homónima de Gillian Flynn que s'estrenó'l 8 de xunetu de 2018 en HBO. Creada por Marti Noxon y dirixida por Jean-Marc Vallée, la serie ta protagonizada por Amy Adams como Camille Preaker, una reportera con problemes emocionales que torna a la so ciudá natal pa investigar los asesinatos de dos neñes.
Sinopsis Dempués de pasar un curtiu tiempu nun hospital psiquiátricu, la reportera Camille Preaker tien de tornar a la so pequeña ciudá natal pa cubrir los asesinatos violentos de dos chiques preadolescentes. Mientres años, Camille apenes faló con Adora Crellin, la so madre neurótica y hipocondríaca y con Amma, la so media hermana una moza a quien apenes conoz.
Instalada nel so antiguu cuartu na casona victoriana de la so familia, Camille llueu s'atopa identificándose coles nueves víctimes. Atrapada polos sos propios demonios, debe de desentrañar el ruempecabeces psicolóxicu del so propiu pasáu si quier llograr la hestoria y atopar al culpable de los crímenes.
Repartu y personaxes Principales Amy Adams como Camille Preaker, reportera apocayá dada d'alta d'un hospital psiquiátricu. Ella torna a la so ciudá natal, tratando de resolver l'asesinatu de dos chiques, tol tiempu tratando de superar los sos propios problemes psicolóxicos. Patricia Clarkson como Adora Crellin, madre de Camille. Chris Messina como'l Detective Richard Willis Eliza Scanlen como Amma, media hermana de Camille. Matt Craven como Vickery, xefe de policía de Wind Gap. Henry Czerny como Alan Crellin Taylor John Smith como John Keene, hermanu d'una víctima. Madison Davenport como Meredith Wheeler, novia de John Keene. Miguel Sandoval como Frank Curry Will Chase como Bob Nash, padre de Ann Nash, la primer víctima d'asesinatu de Wind Gap. Sophia Lillis como la moza Camille Preaker Lulu Wilson como Marian Preaker Elizabeth Perkins como Jackie
Recurrentes Jackson Hurst como Kirk Lacey, un home con grandes suaños que se quedó atrapáu na so pequeña ciudá, un llugar que-y recuerda'l so inutilidá y un incidente vergonzosu del so pasáu. Jennifer Aspen como Jeannie Keene, madre de John y Natalie Keene. La so decisión de camudase de Filadelfia a Wind Gap resultó desastrosa: el so maríu foise, la so fía sumió y se rumorea que'l so únicu fíu ye'l principal sospechosu. David Sullivan como Chris Reagan Pasternak como Katie Lacey Sydney Sweeney como Alice, la nueva compañera de cuartu de Camille mientres la so estancia nun hospital psiquiátricu. Hilary Ward como Becca
Episodios Nᵘ Títulu Direutor Guionista(s) Emisión orixinal Audiencia
Producción Desarrollu De primeres del procesu de desenvolvimientu, Vallée y los otros productores de la producción entamaren afaer la novela de Flynn como un llargumetraxe, pero Noxon convenció a HBO y a los productores de que la so visión pa una serie de 8 episodios sería meyor.
El 8 de xunetu de 2014, anuncióse que Blumhouse Productions y Entertainment One taríen desenvolviendo y produciendo un drama basáu na novela debú de Gillian Flynn. Marti Noxon desempeñaríase como productor executivu, escritor y productor executivu, ente que Jean-Marc Vallée desempeñaríase como direutor y productor executivu.
El 1 d'abril de 2016, anuncióse que HBO diéra-y a la producción un pidíu d'ocho episodio.
Casting El 19 de febreru de 2016, informóse que Amy Adams xuniérase al proyeutu como la protagonista. En marzu de 2017, anuncióse que Patricia Clarkson, Eliza Scanlen, Elizabeth Perkins, Madison Davenport, Chris Messina, Matt Craven, y Taylor John Smith fueren escoyíos pa papeles principales na serie. Tamién s'anunció que Will Chase, Jackson Hurst, y Jennifer Aspen xuniérense a la repartida p'apaecer de forma recurrente. El 22 de mayu de 2017, anuncióse que David Sullivan, Reagan Pasternak, Sydney Sweeney, Hilary Ward, y Sophia Lillis fueren escoyíos pa papeles recurrentes.
Rodaxe El 18 de xineru de 2017, revelóse que la serie empezaría a filmarse el 6 de marzu de 2017.
Marketing El 22 d'abril de 2018, foi llanzáu'l teaser tráiler. El 5 de xunu de 2018, llanzóse'l tráiler oficial.
Llanzamientu El 7 de xunu de 2018, la serie tuvo'l so estrenu mundial mientres la proyeición de la nueche d'apertura nel ATX Television Festival n'Austin. Tres l'estrenu, realizóse un panel d'entrugues y respuestes con Amy Adams, Marti Noxon, Gillian Flynn, Jean-Marc Vallée y Jason Blum.
Receición La serie recibió una respuesta positiva antes del so estrenu. En Rotten Tomatoes, la serie tien una calificación d'aprobación del 96% con una calificación permediu de 8.39 basada en 72 reseñes. El consensu críticu del sitio web diz, «Una combustión lenta casi insoportable, Sharp Objects caltién el so control con una atmósfera infrayable y un repartu sobresaliente lideráu por una magnífica Amy Adams». En Metacritic, qu'usa un permediu ponderáu, asignó a la serie una puntuación de 78 sobre 100 basada en 34 reseñes, lo qu'indica «reseñes xeneralmente favorables».
Referencies
Enllaces esternos
Categoría:Series de televisión d'Estaos Xuníos Categoría:Series de televisión n'inglés Categoría:Series de televisión de HBO