thumb|Nelly Melba carauterizada como Rosina del Barbero de Sevilla
Dame Nelly Melba, GBE foi una cantante d'ópera australiana que'l so nome real foi Helen Porter Mitchell.
Nacida en Melbourne, Australia, esta sopranu de coloratura estudió cantar en París con Mathilde Marchesi y debutó en Bruxeles con gran ésitu, incorporando la Gilda del Rigoletto, de Verdi.
Otros papeles que collaboraron a encimentar la so fama fueron la Violetta de La Traviata, del propiu Verdi, la protagonista de Lucia di Lammermoor, de Donizetti, y la Julieta de Romeo y Julieta, de Gounod.
Nel so maduror camudó a sopranu dramática, llogrando grandes trunfos cola Elsa de Lohengrin de Wagner, y dientro de la ópera verdiana cola Desdémona de Otello y la protagonista de Aida. El chef francés Auguste Escoffier, que foi unu de los sos más rindíos almiradores, creó pa ella numberosos platos y postres como'l piescu Melba; cuando la diva empezó a tener problemes cola so llinia, inventó coles mesmes les turraes Melba, p'ayudar a caltener la so dieta. Depués d'una llarga y trunfal carrera n'Europa y los Estaos Xuníos, la cantante tornó a la so Australia natal, onde escribió y publicó la so autobiografía: Melodies and Memoirs (1925).
En terminando la so carrera en delles ocasiones, ufiertó los sos últimos conciertos n'Australia en 1928. Morrió de septicemia en 1931, y foi soterrada en Lilydale. El cortexu funerariu foi de más d'un quilómetru, y el so decesu foi portada en toa Europa. La razón de la so muerte caltúvose de callao enforma tiempu, pero agora conozse que foi debida a una infeición posterior a una operación de ciruxía estética.Vease esti reportaxe de la ABC australiana, n'inglés
Los billetes de 100 dólares australianos lleven la so imaxe.
Referencies
Enllaces esternos
- N'inglés, bien completu.
Categoría:Cantantes d'Australia Categoría:Sopranos d'Australia Categoría:Escritores d'Australia Categoría:Autobiógrafos y autobiógrafes d'Australia Categoría:Persones de Melbourne