Nicole Le Douarin ye una investigadora de nacionalidá francesa dedicada a la bioloxía y embrioloxía
Llicenciada en ciencies naturales y más tarde doctora en 1964, empezó la so carrera como profesora ente los años (1954-1960). Investigadora nel CNRS (1960-1965) y darréu caderalga (1965-1971), foi darréu profesora titular d'una cátedra na Universidá de Nantes hasta finales de 1975.
Direutora del Institutu d'embrioloxía del CNRS y del Colexu de Francia (1975), más tarde xubida a direutora del Institutu (1976-1988) y darréu profesora nel Colexu de Francia. Recibió'l raru honor de ser escoyida miembru de la National Academy of Sciences americana.
Ye anguaño profesora honoraria del Colexu de Francia, secretaria perpetua de l'Academia de les Ciencies Francesa. Nicole Le Douarin recibió numberosos premios y honores, como'l Premiu de l'Academia de Ciencies en 1965 y la Medaya d'Oru del CNRS en 1986. Nomada miembru estranxeru de la Royal Society en 1989, dende'l 2004 pertenez al «Conseil de surveillance de la Fondation pour l'innovation politique» y de l'Academia Pontificia de les Ciencies.
Contribución científica L'área d'investigación de Nicole Le Douarin ye la embrioloxía y el desenvolvimientu fetal. Contribuyó d'una manera importante a una meyor comprensión na formación de la cresta neural, col desenvolvimientu en 1969 d'una téunica orixinal de visualización de la diferenciación y migración de les célules embrionaries, utilizando quimeras (la fusión de célules embrionaries nun mesmu individuu) de pollu y de falpayar. Esti aproximamientu dexó meyores cruciales na conocencia de los sistemes nerviosu y inmunitarios y supúnxo-y un reconocencia científica internacional incontestable.
Referencies
Enllaces esternos Dr. Le Douarin videos of chick-quail embryos at Developmental Biology Online Homenaxe a la Dra. Le Douarin, por Lewis Wolpert
Categoría:Científicos y científiques de Francia Categoría:Biólogos y biólogues de Francia Categoría:Embriólogos y embriólogues Categoría:Premiu Kioto Categoría:Persones de Bretaña