Noelia Vera Ruiz-Herrera ye una periodista y política española de Podemos. Dende xineru de 2016 ye diputada nel Congresu de Diputaos na XI y XII Llexislatura nel grupu parllamentariu Podemos-En Comú Podem-En Marea.
Biografía Nació en Cádiz y crióse en El Puerto de Santa María. Ye llicenciada en periodismu pola Universidá Complutense de Madrid y Máster en Periodismu Axencia EFE, Universidá Rei Xuan Carlos.
Empecipió la so carrera profesional en CNN+ y Cuatro como responsable de conteníu web en 2007 y meses dempués trabayó nel Diario de Cádiz. En 2008 trabayó na seición de cultura de los servicios informativos de Telemadrid y en 2009 realizó práutiques como corresponsal na Axencia EFE de Buenos Aires.
En 2011 trabayó en comunicación dixital nel proyeutu de Guadalinfo. En 2012 asumió la direición d'Agora News Llatinoamérica y foi fundadora de la delegación en Colombia. Un añu dempués trabayó na alcaldía mayor de Bogotá en Colombia como xefa de prensa de la cinemateca, planetariu y otres entidaes municipales. Tamién foi miembru fundadora de Hemisferio Zero, un mediu dixital especializáu n'información internacional y derechos humanos nel que trabayen periodistes, historiadores y comunicadores audiovisuales con sede en Madrid, corresponsalíes en Méxicu, El Salvador, Colombia y Senegal y collaboradores con presencia en Turquía, Siria y los Balcanes.
De 2013 a 2014 foi collaboradora del blogue «Desalambre: periodismo y Derechos Humanos» d'eldiario.es. En febreru de 2014 foi responsable de redaición y darréu asumió la presentación de la tertulia de La tuerka.
Trayeutoria política En 2015 Podemos anunció que Noelia Vera encabezaría la llista de les eleiciones llexislatives pola provincia de Cádiz. N'avientu de 2015 llogró un escañu como diputada nel Congresu na XI llexislatura. Foi reelixida na XII llexislatura. Na actualidá ye vocera del grupu na Comisión de Control Parllamentariu de la Corporación RTVE y les sos Sociedaes.
En 2017 na xunta de Vistalegre II llogró'l 30,30 % de los puntos y quedó nel puestu númberu 12. Participó na llista liderada por Pablo Iglesias «Podemos Para Todas».
Referencies
Enllaces esternos
Categoría:Periodistes d'España Categoría:Políticos y polítiques de Podemos Categoría:Diputaos y diputaes d'España Categoría:Persones de Cádiz