Noemí Villamuza ye una ilustradora de llibros infantiles española. Biografía Estudió la carrera de Belles Artes, especialidá de Diseñu Gráficu, na Universidá de Salamanca.
Empezó la so vida profesional trabayando pa delles editoriales de llibros educativos. Dempués especializóse na ilustración de llibros infantiles. El so primer llibru infantil ilustráu ye Óscar y el león de Correos de Vicente Muñoz Puelles (Anaya, 1998), gallardoniáu col Premiu Nacional de Lliteratura Infantil y Xuvenil 1999. En 1998 treslladóse a Barcelona, ciudá na que sigue morando, y a partir d'esi momentu la so trayeutoria editorial esperimentó una gran proyeición. Hasta la fecha tien publicaos trenta y cinco títulos de lliteratura infantil y xuvenil. Dalgunos hanse editáu n'otros países, como los Estaos Xuníos d'América, Corea o Xapón.
Nel cursu 2000-01 empezó'l so llabor como profesora, impartiendo clases d'ilustración na Escuela Cimera de Diseñu BAU de Barcelona; anguaño imparte tamién un Posgráu d'Ilustración Editorial na Escuela Massana. Coles mesmes da talleres y charres en colexos y biblioteques y participa en distintos eventos rellacionaos cola lliteratura infantil y xuvenil.
Nel 2002 queda finalista del Premiu Nacional d'Ilustración pol so trabayu nel álbum De verdad que no podía (editorial Kókinos). Unu de los sos trabayos más reseñaos foi Libro de nanas (Media Vaca, 2004), que llogró'l Premiu Nacional d'Edición 2005. Nesta obra adoptó un discursu de llapiceru en blancu y negru que güei ye característicu de la so obra. Tamién destaca la so obra El festín de Babette (Nórdica Llibros, 2006), que foi gallardoniáu col Premiu Junceda al Meyor Llibru Ilustráu p'adultos 2007.
Nel 2010 la Organización Española pal Llibru Infantil y el Ministeriu de Cultura premiaron y usaron la so propuesta de cartelu pa espublizar el Día Internacional del Llibru Infantil (2 d'abril).
Obres Llibros ilustraos , escritu por Vicente Muñoz Puelles (Anaya, 1998) , escritu por Javier Sobrino (Kókinos, 2002) , escritu por Eduard José (La Galera, 2002) , escritu por José María Plaza (Ediciones SM, 2002) , selección de poemes por Herrín Hidalgo (Media Vaca, 2004) , escritu por Vicente Muñoz Puelles (Algar, 2006) , escritu por Ray Bradbury (Kókinos, 2006) , escritu por Alex Shearer (Ediciones SM, 2006) , escritu por Carmen Gómez Ojea (Lynx, 2006) , escritu por Gabriela Keselman Porter (Kókinos, 2006) , escritu por Isak Dinesen (Nórdica, 2006) , escritu por Juan Luis Mira Candel (Anaya 2007) , escritu por Antonio Ventura (Imaginarium, 2007) , escritu por Agustín Fernández Paz (Algar, 2008) , escritu por Ignacio Sanz (Macmillan, 2008) , escritu por Ana María Shua (Anaya, 2009) , selección realizada por José María Plaza (Everest, 2009) , escritu por Vicente Muñoz Puelles (Algar editorial, 2009) , escritu por Marta Rodríguez Bosch (Los Cuatro Azules, 2009) , escritu pola mesma autora (Anaya, 2009) , escritu pola mesma autora (Anaya, 2009) , escritu por Ana María Shua (Anaya, 2009) , escritu por José Corredor Matheos (Ediciones el Jinete Azul, 2010) , escritu por Vicente Muñoz Puelles (Anaya, 2010) , escritu por Antonio Ventura (Nórdica, 2010) , escritu por Patxi Zubizarreta (Edelvives, 2010) , escritu por Vicente Muñoz Puelles (Anaya, 2010) , escritu por Pedro Cerrillo (Anaya, 2010)
Bibliografía
Referencies
Enllaces esternos
Muséu de ilustradores SOL Noemí Villamuza na revista Babar
Categoría:Ilustradores d'España Categoría:Persones de Palencia Categoría:Provincia de Palencia