Christiane Dosne de Pasqualini foi una investigadora científica arxentina especializada en medicina esperimental en leucemia. Desempeñóse como investigadora del CONICET (1963-2002). Nació en Francia, vivió en Canadá y llueu emigró a Arxentina donde consiguió la nacionalidá.

Biografía En realizando investigación en biomedicina xunto a Hans Selye, llogró la so Ph.D. en Medicina Esperimental en McGill Univesity, Montreal. En 1942 emigra a Arxentina pa trabayar xunto a Bernardo A. Houssay, convirtiéndose asina na primer muyer n'ingresar a l'Academia Nacional de Medicina de Buenos Aires.

Con orientación n'hematoloxía, entamó la Seición Leucemia Esperimental del Institutu d'Investigaciones Hematolóxiques de l'Academia Nacional de Medicina de Buenos Aires, que dirixó ente los años 1981 y 1983. Al pie de ella formáronse numberosos investigadores destacaos nel país y nel esterior.

Foi miembru del Comité Editorial de la revista Medicina dende 1967 ya investigadora emérita del CONICET dende'l 2002. Publicó más de trescientos trabayos a lo llargo de la so carrera. Cuenta con más de mediu sieglu d'esperimentación ininterrumpida, con focu en determinar l'orixe de les célules canceroses y entender la función bivalente del sistema inmune mientres la crecedera tumoral.

Ente los numberosos premios que ganó, destáquense'l Premiu Konex de Ciencies Biomédiques en 1993, siendo xuráu respeutivu en 2003) y el premiu UNIFEM-NOEL (Los Angeles) pola so trayeutoria en 1995, xunto cola Madre Teresa y otres personalidaes.

Escribió diversos llibros, ente los cualos destácase la so autobiografía "Quixi lo que fixi. Autobiografía d'una investigadora Científica" (2007), "En busca de la causa del Cáncer" (2015) y "Enjoying research from Canada to Argentina" (2015).

Premios y reconocencies Premiu KONEX - Méritu en Biomedicina Básica - 1993. Buenos Aires, Arxentina. Premiu UNIFEM-NOEL - Trayeutoria - 1995. Los Angeles, Estaos Xuníos. Investigadora Emérita del CONICET (2002)

Referencies

Enllaces esternos

Categoría:Médicos y médiques d'Arxentina Categoría:Persones de Saint-Denis