Christine Josephine Sandberg, conocida como Christine Cavanaugh foi una actriz de voz d'Estaos Xuníos. Foi conocida por emprestar la so voz na película de 1995: Babe y Gosalyn Mallard en El Coríu Darkwing ente otros.
Tuvo n'activu hasta 2001.
Biografía Vida temprana En 1981 estudió nel Institutu de Layton y darréu ingresaría na Universidá Estatal d'Utah y la d'Hawaii onde conocería al so futuru home: Kevin Cavanaugh, con quien contraería matrimoniu y divorciaríase en 1985. Sicasí, siguió calteniendo'l so apellíu de casada como nome artísticu.
Cavanaugh profesaba la relixón mormona.
Trayeutoria artística Debutó en 1988 como actriz de doblaxe na adautación a la versión n'inglés de la película David and the Magic Pearl. En 1991 pasaría a ser la voz de Gosalyn Mallard en El Coríu Darkwing y en 1994 como Chuckie Finster en Rugrats.
Otros proyeutos nos que trabayó foi en The Critic, Sonic the Hedgehog, 101 Dalmatians: The Series, Hercules: The Animated Series, The Powerpuff Girls, The Wild Thornberrys y Recess.
En 1995 foi escoyida pa emprestar la so voz en Babe al personaxe homónimo y principal, papel que refugó pa la secuela de 1998, añu nel qu'aceptó dar vida a Tommy Pickles en Rugrats. Otra serie destacada na que tuvo foi Dexter's Laboratory siendo al empar la voz comercial pa la cadena Cartoon Network. En 2010 llograría un Premiu Annie a la Meyor Actriz de Voz.
Tocantes a la pequeña pantalla, participó en series como Salute Your Shorts, Cheers, Empty Nest Wings, The X-Files, Everybody Loves Raymond, y ER amás de compartir cartelu con Jerry Maguire en Soulmates.
Fallecimientu El 22 d'avientu de 2014 finó na so casa de Cedar City ensin trescender les causes. Nel momentu tenía 51 años.McNary, Dave. "Christine Cavanaugh, Voice of Chuckie from ‘Rugrats,’ ‘Babe,’ Dies at 51" Variety (December 30, 2014)
Referencies
Enllaces esternos
Christine Cavanaugh profile , voicechasers.com; accessed December 31, 2014.
Categoría:Actores y actrices de voz d'Estaos Xuníos Categoría:Actores y actrices d'Estaos Xuníos