La condesa Claudia Rhédey de Kis-Rhéde (Sângeorgiu de Pădure, Transilvania (entós parte de Hungría); 21 de setiembre de 1812-1 d'ochobre de 1841) foi una noble húngara, esposa del duque Alejandro de Wurtemberg. El so fíu Francisco, duque de Teck foi padre de María de Teck, reina consorte de Xurde V del Reinu Xuníu y güela paterna de l'actual soberana Sabela II.
Foi fía del conde Ladislao Rhédey de Kis-Rhéde y la so esposa, la baronesa Inés Inczédy de Nagy-Várad. Dende la so nacencia llogró'l títulu de condesa.
Matrimoniu y descendencia
En 1835 casóse col duque Alejandro de Wurtemberg, fíu del duque Luis de Wurtemberg, hermanu menor del rei Federico I de Wurtemberg. Por cuenta de les lleis alemanes en rellación a la llinia de socesión, y a qu'ella nun pertenecía a nenguna Casa Real, el so matrimoniu foi declaráu morganáticu y foi-y negáu'l títulu de duquesa. Sicasí, dempués foi nomada condesa de Hohenstein, y a la so familia fuéron-yos daos los títulos alemanes de duques y princeses de Teck.
El matrimoniu tuvo trés fíos: Princesa Claudine de Teck (1836-1894), soltera. Francisco, duque de Teck (1837-1900), casáu cola princesa María Adelaida de Cambridge. Princesa Amelie de Teck (1838-1893), casada col Barón Carl von Hügel.
Primeramente los sos fíos llograron el títulu de condes de Hohenstein, heredáu de la so madre. Sicasí en 1863 fueron nomaos príncipes de Teck col tratamientu de Alteza Serenísima nel Reinu de Wurtemberg.
El so fíu, el príncipe Francisco de Teck foi nomáu duque de Teck. Casóse cola princesa María Adelaida de Cambridge, nieta del rei Xurde III del Reinu Xuníu y convirtióse nun miembru de la familia real británica. La so fía María de Teck casóse col príncipe Jorge, duque de York, en xunetu de 1893, convirtiéndose en reina consorte en mayu de 1910. L'actual monarca Sabela II ye la tresnieta de Claudia.
Claudia morrió n'Austria en 1841 en siendo arollada fatalmente por unos caballos y quedar mentalmente inestable esi mesmu añu.
Referencies Xenealoxía de les families reales europees. Almanaque Gotha, vol II páx. 6.
Referencies
Enllaces esternos
Categoría:Nobleza d'Hungría Categoría:Condeses Categoría:Matrimonios morganáticos
Categoría:Wikipedia:Mantenimientu:Persones ensin plantía nym