Cristina García-Orcoyen Tormo ye una política, y ecoloxista española.
Biografía Llogró una llicenciatura en ciencies polítiques y económiques pola Universidá Complutense de Madrid, y una diplomación en direición xeneral d'empreses pola IESE y en comerciu esterior.
De 1983 a 1996, foi secretaria xeneral de Adena/WWF-España, y dende 1993 hasta 1996 vicepresidenta del Conseyu Asesor d'Ambiente de la Xunión Europea. Amás, dende 1996 ye responsable del Comité Español del Programa de les Naciones Xuníes pal Mediu Ambiente (PNUMA, nel so acrónimu en castellán).
Foi escoyida diputada del Partíu Popular a les eleiciones al Parllamentu Européu de 1999. Dende 1999 hasta 2002, foi miembru de la Comisión d'Ambiente, Salú Pública, y Política del Consumidor; y de la Delegación poles Rellación de la Europa Sudoriental. Tamién foi xefa de la Delegación del Parllamentu Européu a la COP8 (Conferencia de les Partes sobre Cambéu Climáticu).
Dende 1996, ye direutora xerente de la ONG Fundación Entorno, de la Seición española del Conseyu Empresarial Mundial pal Desarrollu Sostenible (acrónimu n'inglés, WBSCD).
Delles publicaciones 2003. Mediterraneu y mediu ambiente. Vols. 4-2003 d'Estudios Socioeconómicos: Mediterraneu Económicu. Editor Caja Rural Intermediterránea. Cajamar, 238 pp. ISBN 8495531143, ISBN 9788495531148
2003b. ¿Lobby?: el to derechu a influyir na política europea. Editor Parllamentu Européu, 31 pp.
Honores 2002: Congresu Nacional de Mediu Ambiente, Premiu a la meyor Trayeutoria Profesional en Defensa del Ambiente
avientu de 2003: Premiu Trámite Parllamentariu – concedíu pola revista homóloga del grupu Intereconomía - a la meyor iniciativa europea de Proteición del Ambiente y amenorgamientu d'emisiones a l'atmósfera
Referencies
Enllaces esternos
Categoría:Políticos y polítiques d'España Categoría:Diplomáticos y diplomátiques d'España Categoría:Persones de la Comunidá de Madrid Categoría:Políticos y polítiques del Partíu Popular Categoría:Eurodiputaos y eurodiputaes d'España Categoría:Ecoloxistes d'España