Chantal Van Landeghem ye una nadadora canadiana especializada nos eventos estilu llibre y caparina. Nos Xuegos Olímpicos de Rio de Janeiro 2016, ganó, xunto a Penelope Oleksiak, Taylor Ruck y Sandrine Mainville, el bronce nel relevu 4 x 100 metros llibres. Esa foi la primer medaya nesi eventu pa Canadá en cuarenta años
Nel Campeonatu Mundial de Natación de 2011, Van Landeghem compitió nel relevu 4 x 100 metros estilu llibre. El so equipu remató en sestu llugar. Esi mesmu añu, participó nel Campeonatu Júnior, onde llogró la plata nos 100 metros y nel relevu 4 x 100 metros, dambos estilu llibre, y bronce nos 50 metros estilu llombu y caparina. Dos años dempués, formó parte nel equipu sénior del Campeonatu Mundial de Barcelona. Nesa ocasión, remató en novenu llugar nos 50 metros llibres.
Más tarde, nos Xuegos Panamericanos de 2015 llogró l'oru nos 100 metros llibres y formó parte del equipu que venció nel relevu 4 x 100 metros estilu llibre; en dambos casos estableció nueves marques panamericanes. Poles sos resultaos foi nomada Atleta Femenina de Manitoba del Añu. Tamién estudia y compite pa la Universidá de Georgia.
Referencies
Enllaces esternos
Categoría:Nadadores de Canadá nos Xuegos Olímpicos de Rio de Janeiro 2016 Categoría:Nadadores olímpicos de Canadá Categoría:Medayistes olímpicos de natación Categoría:Medayistes olímpicos de Rio de Janeiro 2016 Categoría:Medayistes olímpicos de bronce Categoría:Deportistes nos Xuegos Panamericanos de 2015 Categoría:Persones de Winnipeg