Daniela Alves Lima , más conocida a cencielles como Daniela, ye un ex-futbolista brasilana. Xugaba como mediocampista.
Trayeutoria Daniela empezó la so carrera en 1999 na Portuguesa.
En 2003 fichó pol San Diego Spirit, d'Estaos Xuníos. La lliga profesional d'Estaos Xuníos (WUSA) quebró al terminar la temporada, y Daniela xugó la siguiente temporada en Suecia, nel Göteborg FC, onde malapenes xugó.
En 2005 tornó a Estaos Xuníos, na semiprofesional W-League, onde xugó nes Hampton Road Piranhas y el Bay State Select.
En tornando en 2007 a Brasil, nel Saad EC, volvió probar en Suecia en 2008 col Linköpings FC, nel que-y foi meyor que nel Göteborg.
Al añu siguiente Estaos Xuníos volvió crear una lliga profesional (WPS), y Daniela fichó pol Saint Louis Athletica. Pero nel so 4º partíu sufrió una rotura del LAC y quebra de tibia nuna entrada d'Abby Wambach.Daniela: Daños nos lligamentos y la tibia . The Washington Post, 5 de mayu de 2009
En recuperándose tornó a les Piranhas, na menos esixente W-League, pero volvió recayer a los pocos minutos nel so debú, y decidió poner puntu final a la so carrera con 26 años.
AD Portuguesa (1999-2002) San Diego Spirit (2003) Göteborg FC (2004) Hampton Road Piranhas (2005) Bay State Select (2006) Saad EC (2007) Linköpings FC (2008) Saint Louis Athletica (2009) Hampton Road Piranhas (2010)
Selección nacional Daniela debutó cola absoluta brasilana en 1999, nun amistosu contra Estaos Xuníos, y al añu siguiente xugó los Xuegos Olímpicos de Sydney, con 16 años.
Nel Mundial 2003 abrió la goliada (4-1) a Noruega, campeón olímpicu en Sydney.
Nos Xuegos Olímpicos d'Atenes ganó la plata. Nel Mundial 2007 Brasil tamién llegó a la final, y Daniela entró nel All-Star Team del tornéu.
Nel so últimu tornéu con Brasil, los Xuegos Olímpicos de Beixín, volvió ganar la plata, y la so actuación valió-y un 6ᵘ puestu nel FIFA World Player.
Hasta la mancadura qu'acabó cola so carrera Cristiane, Daniela, Marta y Rosana yeren conocíes como los cuatro fantástiques de la selección.El talentu de Brasil cuerre fondu . FIFA, 11 de setiembre de 2007
Referencies
Enllaces esternos
Categoría:Futbolistes de Brasil Categoría:Medayistes olímpicos de Brasil Categoría:Persones de São Paulo