Palaeoloxodon antiquus ye una especie estinta de mamíferu proboscidiu de la familia Elephantidae que vivió demientres el Pleistocenu, dende hai unos 800.000 años hasta hai 30 000.
Foi una especie d'un gran tamañu que llegaba a algamar los 4 metros d'altor. Tenía unes pates relativamente más llargues que los elefantes modernos y unos caniles llargos y rectillinios acabaos nuna pequeña curva.
Distribución P. antiquus vivía nos ambientes cálidos y viescosos qu'había n'Europa demientres los periodos interglaciares. Los restos más recién atopáronse en Portugal y tienen unos 30 000 años. Presumiblemente son los antepasaos de dalgunos de los elefantes nanos de delles islles mediterránees que s'estinguieron nel Holocenu.
No qu'a España se refier, destaquen los restos topaos nos xacimientos de Torralba y Ambrona (Soria), nes proximidaes de Medinaceli.
En sedimentos eólicos del Pleistocenu cimeru del Alentejo Llitoral portugués describiéronse delles icnitas de la icnoespecie Proboscipeda panfamilia, atribuyíes a Palaeoloxodon antiquus.
Descripción Estos animales podíen algamar los 3,9 m d'altu y un pesu envaloráu de 6000 a 7000 kg. Teníen caniles llargos, llixeramente curvados escontra riba.Stuart, A. J. (1999). «Late Pleistocene megafaunal extinctions: a european perspective». En: McPhee, R. D. E.; Ross, D. E. y Sues, H.-D. (eds.) Extinctions in Near Time: Causes, Contexts, and Consequences. Advances in Vertebrate Paleobiology, 2: 257-270 (páx. 262) Les pates de P. antiquus yeren llixeramente más llargues que les de los elefantes modernos. Créese qu'estos elefantes teníen una llingua de 80 cm de llongura que podría ser proyeutada a poca distancia p'atrapar fueyes y herba.
Galería d'imáxenes
Referencies
Enllaces esternos
Universidá Complutentense: Unu quexal de Elephas antiquus en Ciempozuelos (Madrid)
Categoría:Elephantidae