Patricia Mary W. Barker (nacida Patricia Mary W. Drake; Thornaby-on-Tees, Reinu Xuníu; 8 de mayu de 1943), más conocida como Pat Barker, ye una escritora británica, ganadora de dellos premios, ente ellos el Booker en 1995.Ficha de Barker, portal de lliteratura del Conseyu Británicu, n'inglés, s/f; accesu 17.03.2014
Biografía
Vida personal Pat Barker nació nuna pequeña ciudá de Stockton-on-Tees, Inglaterra nel senu d'una familia monoparental (nun conoció a la so madre) de clase obrera y creció colos sos güelos.
Estudió historia nel London School of Economics and Political Science, graduándose en 1965. Ente esa fecha y 1970 trabayó de profesora, primero d'un colexu y depués del so alma máterMinibiografía de Pat Barker, El Poder de la Pallabra, s/f; accesu 17.03.2014Maya Jaggi. Dispatches from the front, The Guardian, 16.08.2003; accesu 17.03.2014 al empar que curiaba de la so güela enferma, que morrió en 1971.
El so apellíu tomar del conocíu zoólogu británicu David Barker, con quien se casó en 1978 —cuando esti llogra'l divorciu—, dempués de convivir con él dende 1969. Enviudó en 2009.
Trayeutoria lliteraria Pat Barker entra con fuercia na lliteratura en 1982 cola so novela Union Street, obra de gran ésitu, que foi afecha al cine en 1990 y protagonizada por Jane Fonda. A este siguiéron-y dos llibros que, como'l primeru, ponen el focu d'atención nos problemes de les muyeres obreres de clase media-baxa, y les sos rellaciones coles sos pareyes y l'alcohol: Tira la to casa (1984) y La fía del sieglu (1986).
En 1989, Pat Barker camuda de temática al buciar na mente masculina en L'home que nun tuvo ellí. Gracies a esta novela llogró quietarse la inxusta la etiqueta inxusta d'escritora solo pa muyeres.
A esta obra siguirálu una triloxía capital na so carrera lliteraria, compuesta por Rexeneración (1991), El güeyu na puerta (1993) y El camín pantasma (1995), y protagonizada pol médicu William Rivers mientres la Primer Guerra Mundial. Pola postrera d'elles llogró'l Premiu Booker.
Obra Union Street, 1982 Tira la to casa, 1984 La fía del sieglu, 1986 L'home que nun tuvo ellí, 1989 Rexeneración, 1991 El güeyu na puerta, 1993 El camín pantasma, 1995 Another world, 1999 Llinia difusa, 2001 El doble mirada, 2003 Life Class, 2007 Toby's Room, 2012 Noonday, 2015
Premios y reconocencies Fawcett Society Prize 1983 por Union Street Premiu del diariu The Guardian 1993 a un escritor novel por El güeyu na puerta Premiu Booker 1995 por El camín pantasma Autor del Añu 1996 (Asociación de Llibreros de Gran Bretaña) Orde del Imperiu Británicu en grau de Comendador (2000) Finalista del premiu Lo Meyor del Booker (2008, en conmemoración del 40 aniversariu del gallardón)
Referencies
Enllaces esternos Pat Barker en The New York Times Biography: Pat Barker, Contemporary Writers. British Council. May 92, 2102 Kemp, Peter (July 1, 2007). Pat Barker's last battle? War has been her greatest obsession – and it looms large in her new novel , The Sunday Times [www.lse.ac.uk (2007) Celebrated Alumni: UK] Davies, Hannah (January 30, 2010). Novelist Pat Barker , The Journal, 2010 Biografía n'inglés Entrevista n'inglés con Pat Barker, fecha por Rob Nixon, Contemporary Literature 45 (Nº1 2004)
Categoría:Escritores d'Inglaterra Categoría:Escritores n'inglés Categoría:Comendadores de la Orde del Imperiu Británicu Categoría:Ganadores del premiu Booker Internacional Categoría:Wikipedia:Mantenimientu:Persones ensin plantía nym