Susana María Alfonso de Aguiar , conocida artísticamente como Mísia, foi una cantante portuguesa de fados, principalmente.
Biografía El so padre yera portugués y la so madre española d'orixe catalán. Esta trabayó como baillarina de cabaré nos sos principios nel Teatru El Molino de Barcelona, España, lo qu'esplica munches de les influencies que Mísia recibió nel so estilu musical: tangos, boleros, la fusión de la guitarra col acordión, el violín y el pianu.
Mísia desenvolvió, a lo llargo de tola so carrera hasta la fecha, un nuevu estilu de fadu basáu nel heriedu de la reina del fadu, Amália Rodrigues, l'usu de los preseos musicales tradicionales (la guitarra clásica, la guitarra portuguesa y la guitarra baxu) cola sensualidá del acordión y el violín y, a lo último, la recreación de los versos de los meyores poetes portugueses.
El so trabayu de 2003 Canto pue ser consideráu la so meyor obra. Entemez pieces de los meyores trabayos del guitarrista portugués Carlos Paredes con dellos poemes de Vasco Graça Moura, Sérgio Godinho y Pedro Tamen pa construyir una obra qu'ella mesma describe como perteneciente a la so "galería de coses imposibles".
Mísia tamién ye conocida por interpretar cantares d'otros artistes remembrando l'estilu del fadu: la clásica As time goes by, La gavina de Marina Rossell y delles composiciones de Luis Eduardo Aute son exemplos.
Mísia ye capaz de cantar en diverses llingües. Anque'l so repertoriu tea compuestu mayoritariamente por fados (y considérase que nun ye un fadu si nun ye cantáu en portugués), ella canta dalgunos de los sos temes en catalán, francés, castellanu, inglés, napolitanu... Ye un exemplu'l so CD Drama Box: una selección de tangos, boleros y fados cantaos en portugués y castellanu. En catalán canta'l tema Plou al cor de Joan Manuel Serrat nel discu coleutivu de La Marató de TV3, na so edición de 2007.
Mísia ye reconocida en Portugal y la so música ye bien apreciada n'otros países como España, Alemaña o Francia.
Col so trabayu Drama Box preséntase per primer vegada nel Palaciu de la Música Catalana de Barcelona nel marcu del Festival Únicas. En febreru de 2007 Mísia presentó nel Teatru Les Bouffes du Nord en París el so proyeutu Lisboarium, un conciertu acústicu de fadu tradicional sobre testos de grandes poetes especialmente escritos pa la so voz.
En 2009 llanzó al mercáu Ruas, el so trabayu discográficu más ambiciosu. Un doble CD onde interpreta fados, con Lisboa como protagonista (CD Lisboarium), y onde rinde un particular homenaxe a grupos y solistes internacionales (Chavela Vargas, Camarón de la Isla y Joy Division, ente otros) nel CD Tourist, interpretando los sos cantares nel so idioma orixinal.
Muerte Mísia morrió de cáncanu nun hospital de Lisboa'l 27 de xunetu de 2024, a los 69 años d'edá.Morreu a cantora Mísia, uma das mais inovadoras vozes do fado
Discografía 1991 — Mísia 1993 — Fado 1995 — Tanto menos, tanto mais 1998 — Garras dos sentidos 1999 — Paixões diagonais 2001 — Ritual 2003 — Canto 2005 — Drama box 2009 — Ruas 2011 — Senhora da noite 2013 — Delikatessen Café Concerto 2015 — Para Amália 2016 — Do primeiro fado ao último tango 2019 — Pura vida (Banda sonora) 2022 — Animal sentimental
Filmografía Passione, de John Turturro. (2010)
Referencies
Enllaces esternos
Categoría:Cantantes de Portugal Categoría:Cantantes de fadu Categoría:Cantantes en portugués Categoría:cantantes en castellanu Categoría:Cantantes en catalán Categoría:Persones de Porto