El Marcu Común Européu de Referencia pa les llingües: aprendizaxe, enseñanza, evaluación (MCER, o CEFR n'inglés) ye un estándar européu, usáu tamién n'otros países, que sirve pa midir el nivel de comprensión y espresión oral y escrita nuna determinada llingua.
El proyeutu ye'l resultáu d'un trabayu entamáu en 1991 por iniciativa del gobiernu federal suizu que s'inspiró en trabayos previos realizaos por particulares ya instituciones dende 1971. El documentu final ellaborólu'l Conseyu d'Europa y presentóse en 2001 na celebración del Añu Européu de les Llingües.
Antecedentes teóricos miniaturadeimagen|Certificáu d'ésitu nel exame MCER pal idioma esperantu. El MCERL adopta un enfoque empobináu a l'aición que, según Carlos César Jiménez de la Universidá Nacional Autónoma de Méxicu, se remonta a les propuestes teóriques de los filósofos del llinguaxe, tales como Ludwig Wittgenstein nes décades de 1950 y sociollingüistes como Dell Hymes.
Ente los conceutos teóricos clave usaos nel MECRL, atópense la conocencia declarativa, la conocencia procedimental y la competencia, entendida como la conocencia mínima suficiente que suponemos se riquir pa executar un tipu de xeres específiques. Estos conceutos compleméntesen cola competencia esistencial (habilidaes sociales), l'habilidá p'aprender y la competencia llingüístico-comunicativa.
El MECRL estrema les competencies llingüístico-comunicatives en trés tribes: la competencia llingüística, la competencia sociollingüística y la competencia pragmática. Esta división nun coincide exautamente colos modelos previos de la competencia comunicativa, pero capturen los rasgos esenciales qu'estos modelos punxeron hai tiempu sobro la mesa de discutiniu.
Niveles de referencia comunes El Marcu común européu de referencia afita una escala de seyes niveles comunes de referencia pa la organización del deprendizaxe de llingües y homologación de los estremaos títulos emitíos poles entidaes certificaes. La división agrúpase en trés bloques que respuenden a una división más clásica de nivel básicu, entemediu y avanzáu, anque nun se correspuenden exautamente colos niveles clásicos por tar asitiaos percima o per debaxo d'ellos. NivelSubnivelDescripciónA(Usuariu básicu)A1(Accesu)Ye capaz d'entender y usar espresiones cotidianes d'usu bien frecuente según frases cencielles empobinaes a satisfacer necesidaes de tipu inmediatu. Puede presentase a sí mesmu y a otros, pidir y dar información personal básica sobro la so casa, les sos pertenencies y les persones que conoz. Puede rellacionase de forma elemental siempres que'l so interlocutor fale adulces y con claridá y tea dispuestu a cooperar.A2(Plataforma)Ye capaz d'entender frases y espresiones d'usu frecuente rellacionaes con árees d'esperiencia que-y son especialmente relevantes (información básica sobro sí mesmu y la so familia, compres, llugares d'interés, ocupaciones, etc). Sabe comunicase a la hora de desendolcar xeres simples y cotidianes que nun riquen más qu'intercambios cenciellos y direutos d'información sobro cuestiones que-y son conocíes o habituales. Sabe describir en términos cenciellos aspeutos del so pasáu y la so redolada según cuestiones rellacionaes coles sos necesidaes inmediates.B(Usuariu independiente)B1(Entemediu)Ye capaz d'entender los puntos principales de testos claros y en llingua estándar si traten sobro cuestiones que-y son conocíes, yá seya en situaciones de trabayu, d'estudiu o d'ociu. Sabe desendolcase na mayor parte de les situaciones que pueden surdir nun viaxe per zones onde s'use la llingua. Ye capaz de producir testos cenciellos y coherentes sobro temes que-y son familiares o nos que tien un interés personal. Puede describir esperiencies, acontecimientos, deseos y aspiraciones, y xustificar brevemente les sos opiniones o desplicar los sos planes.B2(Entemediu altu)Ye capaz d'entender les idees principales de testos complexos que traten de temes tanto concretos como abstractos, inclusive si son de calter téunicu siempres que tean dientro del so campu d'especialización. Puede rellacionase con falantes nativos con un grau abondu de fluidez y naturalidá de manera que la comunicación faise ensin esfuerciu per parte de nengún de los interlocutores. Puede producir testos claros y detallaos sobro temes estremaos y defender un puntu de vista sobro temes xenerales indicando los pros y los contres de les estremaes opciones.C(Usuariu competente)C1(Dominiu operativu eficaz)Ye capaz d'entender una amplia variedá de testos estensos y con ciertu nivel d'esixencia, y reconocer nellos sentíos implícitos. Sabe espresase de forma fluyida y bonal ensin muestres bien evidentes d'esfuerciu p'atopar la espresión afayadiza. Puede facer un usu flexible y efectivu del idioma pa fines sociales, académicos y profesionales. Puede producir testos claros, bien estructuraos y detallaos sobro temes de cierta complexidá, amosando un usu correutu de los mecanismos d'organización, articulación y cohesión del testu.C2(Maestría)Ye capaz d'entender con facilidá práuticamente tolo qu'oi o llee. Sabe reconstruyir la información y los argumentos procedentes de diverses fontes, yá seyan en llingua falada o escrita, y presentalos de manera coherente y resumida. Puede espresase bonalmente, con gran fluidez y con un grau de precisión que-y dexa estremar pequeños matices de significáu, inclusive en situaciones de mayor complexidá.
Capacidaes qu'hai que desenvolver El Marcu común européu de referencia paa les llingües llenda les capacidaes que l'alumnu tien de controlar en caún de los niveles pa les estayes «entender», «falar» y «escribir». La categoría «entender» integra les destreces comprensión auditiva y comprensión de llectura; la categoría «falar» integra les d'interaición oral y espresión oral y la categoría «escribir» abarca la destreza espresión escrita. NivelEntenderFalarEscribirComprensión auditivaComprensión de llecturaInteraición oralEspresión oralEspresión escritaA1Reconozo pallabres y espresiones bien básiques que s'usen davezu, relatives a mi mesmu, a la mio familia y a la mio redolada inmediata cuando se fala adulces y con claridá.Entiendo pallabres y nomes conocíos y frases bien sencielles, por casu les qu'hai en lletreros, cartelos y catálogos.Puedo participar nuna conversación de forma cenciella siempres que la otra persona tea dispuesta a repitir lo que dixo o a dicilo con otres pallabres y a una velocidá más lenta y ayúdeme a formular lo qu'intento dicir. Plantego y contesto entrugues cencielles sobro temes de necesidá inmediata o asuntos bien habituales.Uso espresiones y frases cencielles pa describir el llugar onde vivu y les persones que conozo.Soi capaz d'escribir postales curties y sencielles, por casu para unviar felicitaciones. Sé rellenar formularios con datos personales, por casu el mio nome, la mio nacionalidá y la mio direición nel formulariu del rexistru d'un hotel.A2Entiendo frases y el vocabulariu más habitual sobro temes d'interés personal (información personal y familiar bien básica, compres, llugar de residencia, emplegu). Soi capaz de captar la idea principal d'avisos y mensaxes curtios, escamplaes y senciellos.Soi capaz de lleer testos bien curtios y senciellos. Sé atopar información específica y predecible n'escritos senciellos y cotidianos como anuncios publicitarios, prospeutos, menús y horarios y entiendo cartes personales curties y sencielles.Puedo comunicame en xeres sencielles y habituales que riquen un intercambiu simple y direutu d'información sobro actividaes y asuntos cotidianos. Soi capaz de realizar intercambios sociales bien curtios, anque, polo xeneral, nun puedo entender lo suficiente como pa caltener la conversación por mi mesmu.Utilizo una serie d'espresiones y frases pa describir con términos senciellos a la mio familia y otres persones, les mios condiciones de vida, el mio orixe educativu y el mio trabayu actual o'l postreru que tuvi.Soi capaz d'escribir notes y mensaxes curtios y senciellos relativos a les mios necesidaes inmediates. Puedo escribir cartes personales bien sencielles, por casu estimando daqué a daquién.B1Entiendo les idees principales cuando'l discursu ye claru y normal y trátense asuntos cotidianos que tienen llugar nel trabayu, na escuela, mientres el tiempu d'ociu, etc. Entiendo la idea principal de munchos programes de radio o televisión que traten temes actuales o asuntos d'interés personal o profesional, cuando l'articulación ye relativamente lenta y clara.Entiendo testos redactaos nuna llingua d'usu habitual y cotidianu o rellacionada col trabayu. Entiendo la descripción d'acontecimientos, sentimientos y deseos en cartes personales.Sé desendolcame en casi toles situaciones que se me presenten cuando viaxo onde se fala esa llingua. Puedo participar bonalmente nuna conversación que trate temes cotidianes d'interés personal o que sían pertinentes pa la vida diaria (por casu, familia, aficiones, trabayu, viaxes y acontecimientos actuales).Sé enllazar frases de forma senciella col fin de describir esperiencies y fechos, los mios suaños, esperances y ambiciones. Puedo esplicar y xustificar de volao les mios opiniones y proyeutos. Sé narrar una hestoria o rellatu, la trama d'un llibru o película y puedo describir les mios reaiciones.Soi capaz d'escribir testos senciellos y bien enllazaos sobro temes que me son conocíos o d'interés personal. Puedo escribir cartes personales que describen esperiencies ya impresiones.B2Entiendo discursos y conferencies estensos ya inclusive sigo llinies argumentales complexes siempres que la tema sía relativamente conocíu. Entiendo casi toles noticies de la televisión y los programes sobro temes actuales.Entiendo la mayoría de les películes nes que se fala nun nivel de #llingua estándar.Soi capaz de lleer artículos ya informes relativos a problemes contemporáneos nos que los autores adopten postures o puntos de vista concretos. Entiendo la prosa lliteraria contemporánea.Puedo participar nuna conversación con cierta fluidez y espontaneidá, lo que fai posible la comunicación normal con falantes nativos. Puedo tomar parte activa n'alderiques desenvueltos en situaciones cotidianes esplicando y defendiendo los mios puntos de vista.Presento descripciones clares y detallaes d'una amplia serie de temes rellacionaes cola mio especialidá. Sé esplicar un puntu de vista sobro una tema esponiendo les ventayes y los inconvenientes de delles opciones.Soi capaz d'escribir testos claros y detallaos sobre una amplia serie de temes rellacionaes colos mios intereses. Puedo escribir redaiciones o informes tresmitiendo información o proponiendo motivos que sofiten o refuten un puntu de vista concretu. Sé escribir cartes que destaquen la importancia que-y doi a determinaos fechos y esperiencies.C1Entiendo discursos estensos inclusive cuando nun tán estructurados con claridá y cuando les rellaciones tán namái implícites y nun se señalen explícitamente. Entiendo ensin muncho esfuerciu los programes de televisión y les películes.Entiendo testos llargos y complexos de calter lliterariu o basaos en fechos, apreciando distinciones d'estilu.