Washington Luís Pereira de Sousa foi un historiador y políticu brasilanu y Presidente constitucional del Brasil dende'l 15 de payares de 1926.
Presidencia constitucional de la República Al empecipiar el so gobiernu restablecióse l'orde y l'harmonía social, especialmente na rigurosidad na designación de xueces y nel cumplimientu de la llegalidá nos actos gubernativos. Aumentóse la rede ferroviario y telegráfico y procuróse estabilizar el cambéu de la moneda. El 3 d'ochobre de 1930, producióse un movimientu revolucionariu simultáneamente en Rio Grande do Sul, Minas Gerais y Paraiba, con sofitu de los gobiernos d'aquellos trés Estaos, que'l so oxetivu yera torgar tomar de posesión de Júlio Prestes, a quien el Congresu Nacional reconociera como Presidente de la República pal cuatrieniu 1930-1934. El presidente Pereira de Sousa foi depuestu'l 24 d'ochobre de 1930, 21 díes antes del términu del so mandatu, por fuercies políticu-militares comandadas por Getúlio Vargas, na llamada Revolución de 1930. Fízose cargu del gobiernu una Xunta Militar en Rio de Janeiro, que de momentu apurrió'l poder al líder de la revolución, Dr. Vargas.
Graduáu en Derechu en 1891 pola Facultá de Derechu de São Paulo. Nomáu promotor públicu en Barra Mansa, arrenunció al cargu pa dedicase a l'abogacía en Batatais, onde empecipió la so carrera política. Como historiador, les sos principales obres son: A Capitania de São Paulo y Na Capitania de São Vicente.
Referencies
Enllaces esternos
Antecesor: Artur Bernardes Presidente de Brasil1926 — 1930 Socesor: Augusto Tasso FragosoIsaías de NoronhaMena Barreto
Categoría:Políticos y polítiques de Brasil Categoría:Persones de Rio de Janeiro Categoría:Historiadores de Brasil Categoría:Abogaos y abogaes de Brasil Categoría:Alcaldes y alcaldeses de Brasil Categoría:Gobernadores de Brasil Categoría:Presidentes de Brasil