Abdullah Gül ye un economista y políticu turcu. Mientres la so trayeutoria política ocupó diversos cargos, destacando, Presidente de Turquía, dende agostu de 2007 hasta agostu de 2014, asocedíu por Recep Tayyip Erdoğan, y Primer Ministru de Turquía ente 2002 y 2003. Tamién exerció'l cargu de Ministru de Rellaciones Esteriores ente 2003 y 2007 nel Gabinete de Recep Tayyip Erdoğan, hasta la so eleición como Presidente.
Gül nació en Kayseri, estudió Economía na Universidá d'Istambul y escribió la so tesis ende. Parte de los sos estudios tuvieron llugar en Londres y Exeter. Ente 1983 y 1992 trabayó nel Bancu Islámicu pal Desarrollu. En 1991, Gül foi escoyíu miembru del parllamentu turcu, pol Partíu Islámicu del Bienestar. En 1995 foi reelixíu y nomáu miembru del comité de rellaciones internacionales del parllamentu hasta 2001. Nel 54º gobiernu turcu, ente 1996 y 1997 exerció'l cargu de Ministru d'Estáu y Voceru del Gobiernu.
En 1999 foi reelixíu miembru del parllamentu turcu pero esta vegada pol partíu "Fazilet Partisi" (FP, "Partíu de la Virtú").
El 18 de payares de 2002 foi escoyíu Primer Ministru mientres un curtiu periodu de tiempu hasta'l 14 de marzu 2003, siendo asocedíu por Recep Tayyip Erdoğan, col que, tres el so nomamientu, trabayó como Ministru de Rellaciones Esteriores hasta 2007.
Cesó en dichu cargu, el 28 d'agostu de 2007, cuando foi designáu Presidente de Turquía. Foi asocedíu'l 28 d'agostu de 2014, por aciu les primeres eleiciones presidenciales de Turquía, pol hasta entós Primer Ministru, Recep Tayyip Erdoğan.
Referencies
Enllaces esternos
Páxina web oficial del Presidente Turcu Biografía en Fundación CIDOB Conferencia nel Conseyu de Rellaciones Internacionales, 9 de febreru de 2007 Ministeriu Turcu d'Asuntos Esteriores
(n'inglés) Abdullah Gul: International capital's favorite del periódicu online sol.
Turkishpolitix.com - Dosier de noticies sobre Abdullah Gül Famosu ártículo de Bekir Coşkun
Categoría:Economistes de Turquía Categoría:Políticos y polítiques de Turquía Categoría:Ministros y ministres de Turquía Categoría:Primeros ministros de Turquía Categoría:Presidentes de Turquía Categoría:Diputaos y diputaes de la Gran Asamblea Nacional de Turquía