Abulfaz Elchibey foi un políticu y presidente d'Azerbaixán. El so verdaderu nome yera Əbülfəz Qədirqulu oğlu Əliyev, según la grafía del idioma azerbaixanu, pero adoptó l'apellíu Elchibey de cara a la so candidatura a les eleiciones de 1990.
Biografía Elchibey nació na actual República Autónoma de Naxçıvan en 1938, enclavada ente Armenia, Irán y el mesmu Azerbaixán. Nes eleiciones presidenciales celebraes el 7 de xunu de 1992, les primeres tres la independencia, Elchibey foi eleutu presidente d'Azerbaixán, llogrando'l 54% de los votos y convirtiéndose nel primer presidente eleutu non comunista d'Azerbaixán.
Elchibey nomó a İsgandar Hamidov, un coronel de la policía y xefe del movimientu de los Llobos Grises n'Azerbaixán, como ministru del Interior. Hamidov, a pesar de la so devoción y del so papel na Guerra d'Altu Karabakh contra Armenia, demostró ser incompetente y dimitió n'abril de 1993 tres la cayida de Kelbajar y amenaciar a los armenios con un ataque nuclear.
Mientres les tropes armenies avanzaben escontra Bakú, el presidente Elchibey convidó a Heydar Aliyev, ex miembru del Politburó soviéticu y entós dirixente de Naxçıvan, a Bakú. Esto foi'l 9 de xunu de 1993. Aliyev rápido fíxose col poder, convirtiéndose en presidente del Parllamentu d'Azerbaixán el 15 de xunu.
Mientres la presidencia de Heydər Əliyev, Elchibey tornó a Bakú en 1997 y xunióse a la oposición como líder del Frente Popular d'Azerbaixán.
Nel añu 2000 Elchibey foi diagnosticáu con un cáncer de próstata y morrió n'agostu d'esi mesmu añu nun hospital militar d'Ankara, la capital de Turquía. El so cuerpu foi treslladáu n'avión a Bakú y celebróse un funeral d'Estáu cola asistencia del entós presidente Heydər Əliyev.
Ver tamién Guerra de Nagorno Karabakh Historia d'Azerbaixán
Referencies
Enllaces esternos
Engology: Mutalibov
Categoría:Políticos y polítiques d'Azerbaixán Categoría:Presidentes d'Azerbaixán Categoría:Diputaos y diputaes d'Azerbaixán Categoría:Anticomunistes d'Azerbaixán Categoría:Activistes d'Azerbaixán