Kathleen Mary Drew-Baker foi una ficóloga británica, conocida poles sos investigaciones sobre l'alga comestible Porphyra (nori), que condució a un cambéu drásticu nel cultivu comercial.
El legáu científicu de Kathleen Drew-Baker ye bien apreciáu en Xapón, onde foi llamada "Madre del Mar". El so trabayu ye celebráu cada añu'l 14 d'abril. Un monumentu na so memoria foi emplazado nel santuariu de Sumiyoshi n'Uto, Kumamoto.
Primeros años Kathleen Mary Drew nació en Leigh, Gran Mánchester. Asistió a la Bishop Wordsworth's School, en Salisbury y llogró una beca pa estudiar botánica na Universidá de Mánchester, onde se graduó en 1922 con honores y onde depués llogró una maestría en 1923.
Carrera académica Drew-Baker desenvolvió la mayor parte de la so vida académica nel departamentu de botánica de la Universidá de Mánchester, como conferenciante ya investigadora de 1922 a 1957. Drew Baker llogró una beca d'investigación en 1922 y años más tarde xunióse al staff del departamentu de botánica nel llaboratoriu de criptógames. En 1925 trabayó dos años na Universidá de California en Berkeley al llograr una beca de la Mancomunidá de Naciones, viaxando a sitios como Ḥawai pa recoyer muestres botániques. En 1928, Kathleen casóse col académicu Henry Wright-Baker.
Investigación sobre'l cultivu comercial d'algues Anque Drew-Baker nunca viaxó a Xapón, la so investigación académica contribuyó de manera decisiva al desenvolvimientu comercial de la producción de nori nesi país. Drew-Baker estudió'l ciclu vital de l'alga Porphyra y nun artículu académicu publicáu na revista Nature en 1949, demostró que'l microscópicu Conchocelis —hasta entós consideráu una alga independiente— yera la fase diploide del organismu del cual la Porphyra ye l'estáu haploide. El so descubrimientu críticu foi que na etapa microscópica, los moluscos bivalvos aproven un ambiente esencial pal desenvolvimientu de l'alga.
thumb|left|Cultivu de nori na Prefeutura de Mie Les investigaciones de Drew-Baker fueron rápido retrucaes pola ficóloga xaponesa Sokichi Segawa, quien de la mesma desarrollṕ la conocencia necesaria pa revolucionar el cultivu de nori. Anque la recoyida de nori esplotóse comercialmente en Xapón dende'l s. XVII, siempres sufriera temportadas de magras colleches, y yera particularmente sensible a les inclemencies del clima y de la polución n'agües costeres. Yá en 1953, Fusao Ota y otros biólogos marinos desenvolvieren téuniques de cultivu artificial, basaos nestes investigaciones. Esto condució a una significativa medría de la producción d'algues en Xapón.
Ente 1924 y 1947 Drew-Baker publicó 47 artículos académicos, principalmente enfocaos nes algues coloraes. Foi cofundadora de la British Phycological Society en 1952 y el so primer presidente.
Familia Casóse col profesor Henry Wright-Baker del Institutu de Ciencia y Teunoloxía de la Universidá de Mánchester en 1928, con quien tuvo dos fíos. Foi miembru de la Sociedá Relixosa de los Amigos.
Referencies
Enllaces esternos Semeya fotográfica Sitiu web oficial de la ciudá de Uto Biografía del Museum of Science and Industry BBC Radio 4 Programa The Mother of The Sea
Categoría:Botánicos y botániques del Reinu Xuníu Categoría:Algólogos y algólogues d'Inglaterra Categoría:Científicos y científiques del Reinu Xuníu Categoría:Botánicos y botániques d'Inglaterra