Marcia Hiriart Urdanivia ye una científica y investigadora mexicana. Dende 1992 trabaya nel Institutu de Fisioloxía Celular de la Universidá Nacional Autónoma de Méxicu (UNAM) onde foi la so direutora. Les sos investigaciones traten sobre la obesidá y la diabetes mellitus.
Trayeutoria académica Siendo pequeña fíxose voluntaria nel Hospital Infantil de Méxicu, onde surdió'l so interés pola medicina. Graduóse como médica ciruxana na Facultá de Medicina de la UNAM en 1980, y empezó a impartir clases nesa escuela, y a frecuentar el llaboratoriu de fisioloxía. Concluyó una maestría en ciencies en 1983, y el doctoráu en fisioloxía y biofísica en 1989 nel Centru d'Investigación y d'Estudios Avanzaos del Institutu Politéunicu Nacional. Fixo dos estancies posdoctorales na Universidá de Pennsylvania ente 1985 y 1987. Na facultá de Medicina de la UNAM ye profesora de la materia de fisioloxía humana por más de trenta años.
A partir de 1992 convirtióse n'investigadora titular del Institutu de Fisioloxía Celular, d'onde foi la so direutora de 2013 a 2017. Ye asesora de tesis, investigaciones y dictaminadora de beques y de revistes científiques internacionales como Open Diabetes Journal, lslets, Adipobiology y Gaceta Médica de L'Academia Mexicana de Medicina.
Premios y reconocencies 2014 - Integrante de la Xunta Direutiva de la Universidá Autónoma Metropolitana 2005 - Premiu d'Investigación Médica "Dr. Jorge Rosenkranz" dau pola farmacéutica Grupu Roche Syntex de Méxicu. 2009 - Integrante del Sistema Nacional d'Investigadores, nivel III. 2009 - Integrante del Comité de Bioética de la Facultá de Medicina de la UNAM
2018 - Reconocencia Sor Juana Inés de la Cruz, UNAM. Integrante del Departamentu de Bioloxía Médica de l'Academia Nacional de Medicina. Presidenta de la Sociedá Mexicana de Ciencies Fisiolóxiques
Referencies
Enllaces esternos
Categoría:Médicos y médiques de Méxicu Categoría:Científicos y científiques de Méxicu Categoría:Investigadores de Méxicu