Adrianne Pieczonka ye una sopranu canadiana bien apreciada como intérprete de Verdi, Wagner y Strauss.
Reseña biográfica
Creció cerca de Toronto graduándose de la Opera School University of Toronto. Debutó cola Canadian Opera Company en 1988 en Lady Macbeth of Mtensk de Shostakovich.
Viaxó a Austria pa xunise a les compañíes vieneses del Volksoper y Staatsoper en 1989 y 1991 respeutivamente.
En 1995 debutó n'Inglaterra nel Festival de Glyndebourne como Donna Elvira de Don Giovanni y nel Metropolitan Opera en 2004 como Lisa en La dama de piques de Chaicovski y Sieglinde en La Valquiria.
Importante intérprete d'Ariadne auf Naxos, la Mariscala d'El caballeru de la rosa, Ellen Ford en Peter Grimes (Britten) retornó a Canadá cola inauguración del Center Four Arts en Toronto na producción de L'aniellu del nibelungo onde cantó Sieglinde.
Debutó nel Festival de Bayreuth en 2006, onde interpretó Sieglinde na nueva producción de L'Aniellu del Nibelungo de Tankred Dorst so la direición de Christian Thielemann, tornando al añu siguiente. En 2012 interpretó'l papel de Senta na nueva producción de L'holandés errante dirixida por Christian Thielemann.
Otros papeles incluyíos nel so repertoriu Elisabetta de Don Carlo, Alice Ford de Falstaff, Elsa de Lohengrin, Tosca de Puccini, Leonora de Beethoven, Tatyana d'Eugene Onegin- que cantó xunto a Dmitri Hvorostovsky nel Teatru Colón de Buenos Aires en 1997- y Elisabeth de Tannhäuser y actúa regularmente en Viena, Berlin, Munich, Paris y Londres.
En marzu de 2007 foi condecorada Kammersänger del gobiernu d'Austria (xunto al tenor Michael Schade, los primeros dos canadianos en recibir tal honor), darréu foi nomada Officer of the Order of Canada.
Vive en Toronto xunto a la so pareya, la mezzosopranu Laura Tucker y la so fía Grace.
Discografía de referencia
Mozart: Don Giovanni / Halasz
Mozart: Don Giovanni / Muti, Viena DVD
Mozart: Don Giovanni / Kreizberg, Glyndebourne Festival DVD
Strauss: Cuatro últimos cantares, Wagner: Arias / Schirmer
Strauss: Der Rosenkavalier / Bychkov, Salzburg DVD
Verdi: Falstaff / Abbado
Wagner: Lohengrin / Bychkov
Enllaces esternos Sitiu oficial Entrevista n'inglés
Referencies
Categoría:Cantantes llíricos de Canadá Categoría:Sopranos de Canadá Categoría:Académicos de Canadá