thumb|250px|right|Canal del Narcea en Piarnu, Castrillón. La Canal del Narcea ye una conducción hidráulica d'agües del ríu Narcea inaugurada'l 8 de marzu de 1965 El llunes va ser inaugurada la conducción d'agües del Narcea a la siderúrxica d'Avilés. Diariu ABC. Escurre dende la estación de bombéu asitiada en Quinzanas, conceyu de Pravia, hasta los banzaos de Tresona (Corvera), La Granda (Gozón), y San Andrés de los Tacones (Xixón).Plan hidrolóxicu Norte II. Confederación hidrográfica del norte. Nel so percorríu, de 27 quilómetros, traviesa tamién los conceyos de Sotu'l Barcu, Castrillón y Illas.
Nel so día, foi'l complexu hidráulicu téunicamente más avanzáu d'Europa y foi construyíu pa suministrar agua a los fornos altos y aceríes de la estinguida ENSIDESA, güei Arcelor, que na década de 1950 asitiárase n'Avilés y Xixón.
La canal, y la so estación de bombéu, tán diseñaos pa tresportar un caudal máximu d'agua de 4.000 llitros per segundu, gracies a bombes Worthington 24 NA-37 de 2.000 Hp y 980 revoluciones per minutu.Worthington presenta: Güei na canal del Narcea; mañana y siempres n'España. Diariu ABC. 1.000 llitros per segundu pueden ser aprovechaos pal suministru d'agua potable a les poblaciones d'Avilés y Xixón.
Infraestructures thumb|250px|left|Vista xeneral de la estación de bombéu, en Quinzanas, Pravia. Como s'indicó enantes, la canal tien un llargor de 30 km, de los cualos, 17 escurren por canales; y los 13 restantes, por túneles, sifones y acueductos.
Túneles Construyéronse 15 túneles, de los cualos, el más importante ye'l de Los Gallos, de 1.405 metros.
Acueductos De los 35 construyíos, el más importante ye'l de Castañalona, de 230 metros de llargor y 30 metros d'altor; dotáu d'una estructura estilizada y airosa que s'integró perfectamente na so redolada.
El siguiente acueductu, n'importancia, ye'l de Los Meirones, de 161 metros de llargu y 17 d'altu.
Sifones Foi necesaria la construcción de cinco sifones pa salvar los pequeños valles tresversales esistentes a lo llargo del trazáu. El más importante ye'l de La Llamera, con 488 metros de llargor y 90 d'altor.
Aprovechamientu turísticu Dende finales del sieglu XX, el Gobierno del Principáu d'Asturies, en collaboración colos conceyos afeutaos, ta tratando d'impulsar una ruta senderista y cicloturista a lo llargo del trazáu de la canal, conocida como Ruta de l'agua.El Principáu quier rellanzar la sienda de la Ruta de l'Agua. La Voz de Asturias. Sicasí, solo unos pocos quilómetros atópense afechos y el proyeutu avanza con lentitú.
Referencies
Enllaces esternos Llocalización de los primeros tramos de la Canal del Narcea, al traviés de SIGPAC
Categoría:Xeografía d'Asturies Categoría:Canales d'España