El Mercáu Municipal de Abastos de Mieres ye'l principal mercáu de la villa de Mieres, nel conceyu asturianu del mesmu nome.
Historia
Foi propuestu pol equipu de conceyales el 30 de mayu de 1904 y diseñáu pol arquiteutu Manuel del Busto, bien similar al qu'acababa d'inaugurar en La Felguera. Empezó a funcionar en 1907. Trátase d'un edificiu de planta rectangular d'inspiración industrial, n'estilu eclécticu modernista y cubrición de fierro. L'interior gocia de gran lluminosidá por cuenta de los ventanales y lucernarios de la cubierta. Los puestos de venta dispónense a entrambos llaos de dos pasiellos que se crucien nel centru.
Anguaño'l mercáu sigue funcionando seis díes a la selmana y alluga dellos puestos de productos frescos.
Referencies
Categoría:Mieres Categoría:Arquiteutura d'España Mieres