La sablera España (españar, espadañal) ye un pequeñu arenal de sable fino, grava y xigues del centru de la mariña asturiana, perteneciente al conceyu de Villaviciosa y enmarcada nuna zona de praos y grandes cantiles nos que s'atopen restos fósiles.
La vexetación autóctona (carbayos, xardones, fayes, castaños, etc.) foi totalmente absorbida polos montes d'ocalitos. Recibe un potente aguaxe, gracies al cual mientres tol añu ye una de les zones preferíes por numberosos nuevos surfistes pa practicar el so deporte favoritu. Na so redolada hai un camping qu'atrai a numberosos braniantes. Mide unos 175 metros y nella desagua'l ríu del mesmu nome. Ye accesible en coche y dispón de servicios de socorrismu. Ta catalogada como LIC. http://sig.magrama.gob.es/93/ClienteWS/Guia-Playas/Default.aspx?nombre=PLAYA_WEB&claves=DGC.PLAYAS.PLY_CO_PLAYA&valores=559
El so nome remanez de "espadañal", una yerba abundante na zona, del xéneru Iris, de fueyes allargaes y flores azulaes, ablanquiaes o marielles, qu’en dalguna de les sos variedaes echa un golor fediondu al esfregala. Otra teoría ye que remanez del verbu asturianu españar, que significa esplotar, y fai referencia al ruíu que faen les foles al romper contra les roques, fenómenu bien habitual nesta sablera por cuenta de la presencia de riscos predresos.
Servicios Datos del Ministeriu de Mediu Ambiente y Mediu Rural y Marín Equipu de Salvamentu. Duches Teléfonu Papeleres Serviciu de llimpieza
Referencies
España Categoría:Espacios naturales d'Asturies