Constantino Suárez Fernández foi un escritor y periodista español conocíu col seudónimu de El Españolito.
Biografía Naz n'Avilés siendo fíu de Constantino Suárez Graíño y Visitación Fernández Graíño. Estudia bachiller n'Uviéu y Xixón hasta l'añu 1906 en qu'emigra a Cuba. En realizando distintos trabayos funda una llibrería y empieza a unviar cróniques y cuentos a periódicos asturianos. Empiecen estos trabayos a ser publicaos nel Diariu d'Avilés y más tarde empieza a collaborar con periódicos de Cuba como'l Diariu Español, Diario de la Marina (dambos de L'Habana), La Correspondencia (Cienfuegos), Voz Ástur (revista de L'Habana), El Faru del Emigrante y L'Emigrante.
En 1921 torna a España instalándose en Madrid pero caltién la so rellación con Cuba unviando columnes a los periódicos cubanos. Collabora nos periódicos madrilanos Heraldu de Madrid, La Esfera, Nuevu Mundu, Per esos Mundos y España y América. En 1923 en reconocencia al so trabayu 1923 otorgar la Medaya al méritu naval.
El 2 de xunu de 1924 contrái matrimoniu n'Avilés con Dolores Suárez, nesti tiempu collaboraba colos periódicos asturianos El Noroeste, La Prensa, Región y La Voz de Avilés. En 1930 empieza a rellacionase con sectores republicanos. En 1931 ye nomáu interventor nel Patronatu de Misiones Pedagóxiques, so la direición de Luis Álvarez Santullano. Al empezar la Guerra Civil ye amestáu al departamentu de propaganda.
El 4 de marzu de 1941 fina en Madrid, siendo treslladáu'l so cuerpu en 1952 al panteón del Campusantu Municipal de La Carriona d'Avilés.
Obres Los flacos de la soberbia ¡Emigrantes...! (1915) Oros son triunfos (1919) Doña Capricho (1919) Ideas (1919) Vocabulario cubano (1919) Galicia calumniada (1923) La verdad desnuda (1924) Isabelina (1924) Sin testigos y a oscuras (1925) El hijo de trapo (1926) Una sombra de mujer (1927) E. Sánchez Calvo. Apuntaciones biográficas (1928) Cuentistas asturianos (1930) Un Hombre de nuestro tiempo (1931) Flórez Estrada. El Hombre, el pensador, las obras. (1992) Escritores y artistas asturianos (7 volúmenes, 1936-1959), la so obra cimera y fundamental qu'ufierta una completa referencia bio-bibliográfica de la lliteratura d'Asturies.
Referencies
Enllaces esternos
Categoría:Escritores d'Asturies Categoría:Periodistes d'Asturies Categoría:Persones d'Avilés Categoría:Misiones Pedagóxiques