Manuel Álvarez-Buylla y López Villamil , foi un alcalde d'Uviéu.
Biografía Perteneciente a una conocida familia d'Uviéu, estudió nes Ursulines y nos Xesuites. Estudió la carrera de medicina en Madrid, anque la terminó en Valladolid.
Exerció la medicina n'Uviéu mientres los años 30, antes de la guerra, matriculándose depués na Academia Militar de Madrid, onde algamó'l grau de teniente de Sanidá. Foi destináu a Tetuán y formó parte de la División Azul onde consiguió l'ascensu a capitán. De vuelta n'Uviéu trabayó como ciruxanu nel Hospital Militar onde l'algamó'l grau de teniente coronel.
Tamién trabayó como médicu de la Caxa Nacional d'Accidentes de Trabayu del Instituto Normalización Profesional. Foi secretariu xeneral del Colexu Oficial de Médicos d'Asturies ente 1963 y 1969 que-y debe la creación de los nuevos estatutos del Colexu y el proyeutu de construcción de la sede del Colexu na Plaza d'América d'Uviéu, inaugurada'l 27 de xunetu de 1975.
Foi Alcalde d'Uviéu dende'l 27 de febreru de 1968 hasta'l 28 de marzu de 1975, momentu nel qu'arrenunció al so cargu. El so sustitutu foi'l conceyal Félix Serrano González-Solares. Como alcalde: Construyó la primer rede de saneamientu de la ciudá. Construyó'l banzáu d'Alfilorios. Urbanizó'l Polígonu Industrial del Espíritu Santu Construyó'l Palaciu de los Deportes. Construyó'l viaductu que xune L'Argañosa con Vallobín. Construyó l'aparcamientu soterrañu de la plaza de la Escandalera. Fixo numberoses obres en Ciudá Naranco. Treslladó'l cuartel de la Policía Armada al barriu de Buenavista. Impulsó la creación del Muséu de Belles Artes d'Asturies. Impulsó la creación de la Biblioteca Pública Pérez de Ayala. Recuperó pa la propiedá pública la propiedá del antiguu Corral de Comedies d'El Fontán.
Nel ámbitu cultural foi miembru de la Sociedá Filarmónica y de la Casa de la Filarmónica, presidente del Real Club de Tenis d'Uviéu y de la Sociedá Asturiana d'Amigos de la Ópera.
Reconocencies Tien una plaza n'Uviéu na redoma del Palaciu de los Deportes, por disposición del Plenu Municipal de 29 d'avientu de 1978. Ye Fíu Predilectu d'Uviéu, por resolución del Plenu Municipal de 19 d'ochobre de 1994.
Referencies
Enllaces esternos Enciclopedia d'Uviéu. Biografía en VivirAsturias.
Categoría:Alcaldes y alcaldeses d'Uviéu Categoría:Médicos y médiques d'Asturies Categoría:Militares d'Asturies Categoría:Persones d'Uviéu