Ovidio Sánchez Díaz ye un políticu español del Partíu Popular
Biografía Abogáu d'oficiu, la so carrera política empieza con una curtia militancia n'UCD para depués pasar a Alianza Popular. Formó parte de la candidatura d'esi partíu, encabezada por Luis Riera Posada al Conceyu d'Uviéu nes eleiciones municipales de 1983, resultando escoyíu conceyal. Revalidó la so acta de conceyal nes eleiciones de 1987 y 1991, con Gabino de Lorenzo como candidatu a alcalde.
Darréu, formó parte de la candidatura del PP, encabezada por Sergio Marqués, a la Xunta Xeneral del Principáu nes eleiciones autonómiques de 1995, les primeres n'Asturies nes que'l PP consiguió la victoria. Llogra'l cargu de diputáu y darréu ye escoyíu Presidente de la Xunta Xeneral del Principáu (JGPA), cargu al qu'arrenuncia en marzu de 1999 pa encabezar la candidatura del PP nes eleiciones autonómiques de xunu de 1999.
En 1999, foi escoyíu Presidente del Partíu Popular d'Asturies, y encabezó la candidatura d'esi partíu a la JGPA en 1999, 2003 y 2007, llogrando, respeutivamente, 15, 19 y 20 diputaos, que nun-y dexaron formar gobiernu, ocupando la Xefatura de la Oposición.
Cargos Amás, ocupa o ocupó los siguientes cargos: miembru titular de la Diputación Permanente de la JGPA, :* voceru de la Comisión de Defensa del Senáu, :* vocal na Comisión Xeneral de les Comunidaes Autónomes, :* vocal na Comisión de Pidimientos, y :* vocal titular de la delegación española na Asamblea Parllamentaria de la OTAN.
Referencies
Enllaces esternos Acatando la disciplina de partíu.
Categoría:Persones de Llaviana Categoría:Políticos y polítiques del Partíu Popular Categoría:Presidentes de la Xunta Xeneral del Principáu d'Asturies Categoría:Diputaos y diputaes pola provincia d'Asturies Categoría:Diputaos y diputaes d'España Categoría:Senadores per designación de la Xunta Xeneral del Principáu d'Asturies Categoría:Senadores pol Principáu d'Asturies Categoría:Senadores d'España Categoría:Conceyales nel Conceyu d'Uviéu Categoría:Alumnáu de la Universidá d'Uviéu