Margarida Borràs foi una transexual de la Valencia del sieglu XV, llamada orixinalmente Miquel. Foi aforcada por cuenta de la so identidá de xéneru, y anguaño ye un iconu pa la defensa de los derechos LGBT en Valencia.
Historia
Posiblemente foi fía d'un importante notariu de Mallorca, y tuvo de frecuentar los círculos de l'alta sociedá valenciana de la dómina, llogrando cierta fama na Valencia más acomodada. Foi presa y torturada, y más tarde executada na forca de la Plaza del Mercáu de la ciudá de Valencia, como se practicaba na Edá Media colos asesinos, parricíes, uxoricidas y sodomites, nesti casu por identificase col xéneru femenín y portase y vistise como tal.
Reconocencia
A mediaos de la década de 1990, el profesor Vicent Josep Escartí escribió un artículu sobre los fechos alredor de la muerte de Margarida Borràs, qu'algamaría gran relevancia ente los coleutivos LGBT de la ciudá de Valencia, de tal manera qu'en 1995 Lambda, Col·lectiu de lesbianes, gais, transsexuals i bisexuals de València instauró'l Premiu Margarida Borràs a les persones y entidaes que se destacar pol so trabayu contra la discriminación por identidá sexual o de xéneru, según pola defensa de los derechos del coleutivu LGBT, como homenaxe a la primer persona que consta que morrió en Valencia pol odiu y la discriminación motivaos pol fechu d'amosase tal que se sentía.
En xineru de 2016, el Conseyu pola Muyer y pola Igualdá del Conceyu de Valencia decidió dedica-y una cai xunto a otres 36 muyeres que nun tuvieron la oportunidá de llograr conmemoración a lo llargo de la historia, y el 17 de mayu de 2017 foi asitiada una placa d'homenaxe na Plaza del Mercáu, onde foi executada.thumb|Placa homenaje a Margarida Borràs en Valencia
Referencies
Enllaces esternos
Categoría:Persones d'España Categoría:Persones de Mallorca Categoría:Historia LGBT