El glíglico ye un llinguaxe creáu por Julio Cortázar y presente na so novela Rayuela, que'l so capítulu 68, que remembra una escena erótica, ta dafechu escritu nél. Trátase d'un llinguaxe musical que s'interpreta como un xuegu, amás de ser un llinguaxe expulto, compartíu polos namoraos, que los aislla del restu del mundu.
Anque a la primer vista paez escarecer de sentíu, una llectura más detallada dexa ver qu'en realidá ye abondo comprensible pa falantes de castellanu y d'otres llingües ibériques. El glíglico tien la mesma sintaxis y morfoloxía que'l castellanu, usando pallabres normales con otres inventaes pero reconocibles como sustantivos o verbos, y puntuando correutamente les frases. Una posible fonte d'inspiración ye'l Jabberwocky de Lewis Carroll. Hai posibles antecedentes ente los poetes de la vanguardia hispanoamericana, como Vicente Huidobro o Oliverio Girondo.
Ver tamién Jeringonza Scat Vonleska Galimatazo de Carroll Jitanjáfora de Brull
Bibliografía
Referencies
Enllaces esternos
Categoría:Julio Cortázar Categoría:Llingües artificiales