Tevfik Esenç foi un llabrador turcu, concretamente d'orixe circasianon, célebre por ser el postreru falante conocíu d'ubijé, según pol so llabor nes xeres d'investigación de dicha llingua. Esenç foi criáu mientres un tiempu polos sos güelos, falantes de ubijé, nel pueblu de Hacıosman, Turquía. Sirvió una llexislatura como muhtar o alcalde del pueblo antes de recibir un puestu como funcionariu n'Istambul.
Ellí tuvo la oportunidá de conocer al llingüista francés Georges Dumézil, col que realizó un gran trabayu pa consiguir caltener la so llingua. Dotáu d'una escelente memoria y entendiendo aína les intenciones de Dumézil y otros llingüistes que lu visitaben, foi la fonte principal de datos ya información non yá de la llingua ubijé sinón tamién de la so mitoloxía, cultura y costumes. Non yá falaba ubijé, tamién turcu y el dialeutu hakuchi del idioma adigué, lo que dexó dalgún trabayu comparativu ente les dos llingües. Yera un purista y el so idioleutu del ubijé ye consideráu por dalgunos como lo más paecío a una llingua estándar lliteraria que llegó a tener esti idioma.
Esenç morrió en 1992 a la edá de 88 años. La inscripción que quixo qu'apaeciera na so tumba como epitafiu foi la siguiente:
Ver tamién A. Sumru Özsoy
Referencies
Categoría:Llingües caucásiques noroccidentales Categoría:Persones de Turquía Categoría:Última persona falante nativa