Adrián Pumares Suárez ye un políticu asturianu. Anguaño ye'l secretariu xeneral de Foru Asturies y diputáu d'esta formación na Xunta Xeneral del Principáu d'Asturies.
Biografía Adrián ñaz en Llaviana en 1989 y anguaño vive ellí cola so familia. Estudió economía na Universidá d'Uviéu y la so carrera ta dedicada a la lloxística. Xugó y prauticó'l Rugbi nel Pilier Rugby Club. Dirixe l'área d'economía de Foru Asturies, y foi conceyal d'esti en Llaviana hasta'l 12 d'ochobre de 2016, cuando abandona'l cargu por "incompatibilidá profesional". Tamién foi'l secretariu xeneral d'esti partíu en Llaviana.
Anguaño ye'l secretariu xeneral Foru Asturies, tamién ye diputáu y voceru d'esta formación na Xunta Xeneral del Principáu d'Asturies.
Referencies
Enllaces esternos
Categoría:Políticos y polítiques d'Asturies Categoría:Persones de Llaviana Categoría:Políticos y polítiques de Foru Asturies Categoría:Alumnáu de la Universidá d'Uviéu