Cadavéu ye una parroquia del conceyu asturianu de Valdés.
La parroquia, con una estensión de km²Ajuste del mapa de parroquias. Mapa de entidades colectivas de población. Uviéu, SADEI, 2012. Actualizáu'l 1 de febreru de 2024., ta allugada sobre la rasa costera, ente'l cabu Vidíu y el Cabu Bustio. Tien una población de Nomenclátor del INE: Población del padrón continuo por unidad poblacional. (Institutu Nacional d'Estadística)..
El llugar de Cadavéu atópase a una altitú de 90 m y dista 18,20 km de Ḷḷuarca, la capital del conceyu.
Arriendes d'esti llugar, la parroquia entiende les aldegues de Ribón y Viḷḷamouros.
Cadavéu ganó'l concursu "Pueblu más guapu d'Asturies" nel añu 1954 y recibió'l premiu al Pueblu Exemplar d'Asturies en 2022.
Cadavéu ye'l llugar de nacimientu del escritor Fernán Coronas, conocíu como'l Padre Galo.
Historia Los primeros datos que se conocen son referentes a que foi una vieya propiedá de la reina Doña Urraca y el so nome remanez de "cádabu" ("árgoma", "toxu") ya que'l so tarrén dase al desendolcu d'esta mena de parrotal.
Na Edá Media foi puertu balleneru y hasta hai pocos años los sos habitantes dedicábense a na so mayor parte a l'agricultura y la ganadería.
A finales del sieglu XIX y principios del XX, la zona foi destín importante d'emigración a América del Sur, calteniéndose bonos exemplos d'arquitectura indiana, y mansiones perfectamente conservaes anguaño.
Cultura Nel pueblu caltiénense anguaño unos 95 horros o paneres.
La Fiesta de La Regalina declarada d'interés turísticu rexonal, y que se celebra l'últimu domingu d'agostu, solliñando los bailles típicos, el desfile de les carroces dende'l barriu de Rapa acompañaes de cientos de persones vistíes col paxellu, coros y dances, pregón y el ramu d'Alfiladas.
Xeografía Cadavéu ye, anguaño, un nucleu rural dispersu, formáu por 290 edificaciones de les que, 107 son anteriores al añu 1900, 42 foron construyíes nel periodu 1900-1950 y les 151 restantes, dende esta fecha hasta anguaño.
Llocalidaes
Sitios
Sableres Sablera de Cadavéu
Economía La dependencia mayoritaria, n'otros tiempos, yeren los sectores agrícola-ganaderu y pesqueru, anguaño, los sectores de más importancia son: servicios (hai de solliñar la hostelería), madereru, agrícola-ganaderu, pesqueru y turísticu.
Transportes Ferrocarril Pela parroquia pasa la llinia Ferrol-Xixón que cuenta con una estación na que faen parada los servicios de la llinia R-1f (Rexonales AM).
Autobús Pela parroquia de Cadavéu pasa la llinia Xixón/Uviéu - Ribadeo d'ALSA.
Deportes Na parroquia esisten los siguientes clubes y asociaciones deportives:
Grupu Ciclista "La Fusión" Grupu de Montaña "Pico Palancas" Escuela de Surf "Sundance Old Rider" Cadavéu FS
Referencies
Enllaces esternos
Categoría:Parroquies de Valdés Categoría:Premiu al Pueblu Exemplar d'Asturies