Fernando Simón Soria ye un médicu epidemiólogu español, direutor dende 2012 del Centru de Coordinación d'Alertes y Emerxencies Sanitaries del Ministeriu de Sanidá d'España, conocíu pol so llabor como voceru del comité especial sobre la enfermedá del virus del ébola n'España en 2014 y como voceru del Ministeriu de Sanidá escontra la pandemia del SARS-CoV-2 de 2020 n'España.
Biografía Estudió nel Colexu Montearagón; llicencióse en medicina na Universidá de Zaragoza, y diplomóse n'epidemioloxía na Escuela d'Hixene y Medicina Tropical de Londres. Complementó los sos estudios col Programa Européu de Formación n'Epidemioloxía d'Intervención del Centru Européu pa la Prevención y Control d'Enfermedaes enantes d'ingresar nel Cuerpu de Médicos Titulares del Estáu d'España.
Exerció como direutor del Centru d'Investigación n'Enfermedaes Tropicales de Manhica (Mozambique) y del Hospital de Ntita (Burundi). Dirixó'l programa del Centru Nacional d'Epidemioloxía (CNE) d'España y coordináu la Unidá d'Alerta y Respuesta Sanitaria de dicho centru ente 2003 y 2011.
Ye docente de la Escuela Nacional de Sanidá y miembru del comité asesor de Centru Européu pa la Prevención y Control d'Enfermedaes.
Referencies
Enllaces esternos
Categoría:Médicos y médiques d'España Categoría:Persones de Zaragoza