Teodomiro Menéndez foi un políticu, sindicalista y militante socialista asturianu.
Nació n'Uviéu, iniciando la so carrera en política presentándose a les eleiciones pal ayuntamientu d'Uviéu en 1911. Sal elixíu conceyal. En 1916 ye diputáu a les Cortes.
En 1917 como responsable del sindicatu ferroviariu impulsa la fuelga de 1917 n'Asturies, siendo encarceláu.
Durante'l gobiernu de la segunda república ye diputáu y sosecretariu d'Obres Públiques (1932-1933) proyeutando los futuros enllaces ferroviarios de Madrid.
En 1934 participa na Revolución de 1934 siendo apresáu poles tropes marroquines y condergáu a muerte. Ingresa na cárcel d'El Dueso hasta'l trunfu del Frente Popular nes eleiciones de febreru de 1936 fecha na que ye lliberáu y na guerra civil llucha nel bandu repeblicanu. Finalizada, esíliase en Francia en 1939 fuxendo de la represión. En 1940 tres la ocupación nazi de Francia ye apresáu en Burdeos y devueltu a España. N'España ye condergáu a muerte por segunda vegada. En 1950, tres diez años de cárcel, ye lliberáu al conmutase por 30 años de cárcel la so pena gracies a xestiones de Serrano Súñer.
Morrió en Madrid a los 99 años, dempués de ser encarceláu dieciséis vegaes a lo llargo de la so vida, siendo enterráu nel cementeriu civil de Madrid.
Referencies
Enllaces esternos Noticia en el periódico El País Accedíu'l 10 de febreru de 2008
Categoría:Políticos y polítiques d'Asturies Categoría:Socialistes d'Asturies Categoría:Persones d'Uviéu Categoría:Políticos y polítiques del Partíu Socialista Obreru Español