María Antonia "Toña" Is Piñera , ye una futbolista asturiana y entrenadora de fútbol español. Dende 2015 ye la Seleicionadora nacional femenina de fútbol Sub17. Foi la primer entrenadora de la Federación. En 2015 convirtióse na primer muyer seleicionadora de fútbol n'España. En 2018 ganó'l Mundial femenín Sub-17.
Xugó na Seleición nacional absoluta de 1989 hasta finales de los años 90 llogrando la medaya de bronce na Eurocopa de 1997.
Biografía Empezó a xugar a fútbol colos sos hermanos y amigos nel barriu de La Corredoria d'Uviéu.
Xugaba nel barriu colos mios hermanos y amigos, hasta qu'a los 14 años empecé a entrenar con un grupu de moces para xugar un partíu por cuenta de les fiestes del barriu de La Corredoria l'equipu yera'l México de la Corredoria que pasaría a llamase Tradehi y darréu Peña Azul, orixe del Uviéu Modernu.
Incorporóse a la seleición nacional en 1989 hasta los finales de los 90 defendiendo la camiseta de la seleición en 33 partíos. Ente los partíos difíciles d'escaecer nesta dómina'l celebráu'l 20 de marzu de 1994, cuando España venció por 17-0 a Eslovenia na llocalidá de Palamós (Girona). Conquistó'l tercer puestu nel Campeonatu d'Europa de Suecia y Noruega de 1997.
Entrenadora Cuando colgó les botes nun dexó'l terrén de xuegu. Dirixó a les categoríes inferiores del Uviéu Modernu y años dempués convirtióse na primer muyer entrenadora de la Federación. Proclamóse campeona d'Europa como ayudante de Pedro López nel Européu de la categoría.
En 2018 la so seleición proclamóse campeona d'Europa -nel 2017 quedara subcampeona- y n'avientu de 2018 el Mundial sub-17 de fútbol femenín.
En xunetu de 2019 foi incluyida pola FIFA ente les diez candidatures al premiu "The Best" a la meyor entrenador/a de la temporada 2018-19 nel fútbol femenín xunto a Milena Bertolini, seleicionadora femenina italiana, Jill Ellis, seleicionadora d'Estaos Xuníos, Joe Montemurro entrenadora del Arsenal y Sarina Wiegman, seleicionadora d'Holanda, Peter Gerhardsson, seliccionador suecu o Phil Neville, seleicionador femenín d'Inglaterra.
Vida personal Ye madre de la futbolista Paula Suárez.
Premios y reconocencies Medaya de bronce d'Uviéu 2017
Referencies
Enllaces esternos
Categoría:Futbolistes de la seleición femenina d'España Categoría:Futbolistes d'Asturies Categoría:Entrenadores de fútbol d'Asturies