Ildefonso Martínez y Fernández foi un médicu asturianu. Ye famosu por lluchar n'Uviéu contra'l cólera qu'afeutó a Asturies nel añu 1885.
Biografía A los catorce años, ingresó nos Reales Estudios de San Isidro, onde estudió Ciencies y Humanidaes. Graduóse de bachiller en 1837. Nesi mesmu añu entamó los estudios nel Real Colexu de Medicina y Ciruxía de San Carlos. Doctoróse en medicina y ciruxía en 1844. Fundó delles sociedaes: Sociedá d'Instrucción Recíproca, Atenéu Médicu-Quirúrxicu Matritense, Academia d'Esculapiu y tamién l'Institutu Médicu, del que foi presidente y profesor. En 1851 algamó la plaza de médicu-direutor del balneariu de Baños de Bellús (Valencia), pero 3 años depués camudó la plaza pol de Beyures de Nava.
En setiembre de 1855 Ildefonso taba n'Asturies cuando xurdió un biltu de cólera morbo-asiáticu, ya Ildefonso Martínez ofrecióse voluntariu al conceyu d'Uviéu pa ufiertar los sos servicios profesionales. Redautó entós la Cartilla popular higiénica y terapéutica del cólera morbo-asiático, por la Comisión facultativa de la Junta provincial de Sanidad y trabayó contra la peste hasta que finó, víctima d'esta enfermedá, el día 26 de setiembre, a la edá de 34 años. Foi soterráu nel campusantu de San Cipriano, onde la Casa'l Conceyu-y dedicó una llábana pol so esfuerciu:
Escoyeta d'obres 1846 - Examen de ingenios para las ciencias ...;compuesto por el doctor Juan Huarte de San Juan ; aumentado con las variantes de las más selectas ediciones y de su juicio crítico, escrito por Ildefonso Martínez y Fernández. 1847 - Nueva filosofia de la naturaleza del hombre, no conocida ni alcanzada de los grandes filosofos antiguos, la qual mejora la vida y la salud humana. 1848 - De la pelagra y mal de rosa de Asturias. 1851 - El buscapié del buscaruido de Don Adolfo de Castro. 1851 - La apología de los ciegos, o la homeopato-manía historia-crítico-médica. 1855 - Espejo del verdadero médico. 1855 - El Crisol. Floresta Crítico-Médica. (revista espublizada hasta'l 24 d'ochobre del mesmu añu)
Referencies
Categoría:Persones d'Onís Categoría:Médicos y médiques d'Asturies Categoría:Wikipedia:Mantenimientu:Persones ensin plantía NF