Les islles Izvesti TSIK, tamién conocíes como islles Izvestia (), son un archipiélagu compuestu por dos Islles grandes y otros dos pequeñes alcontraes nel Mar de Kara, cerca de 150 km de la mariña siberiana y a solamente 45 km al norte del grupu d'islles del Institutu Árticu.
El so nome provién de «Izvestiya Tsentral'nogo Ispolnitel'nogo Komiteta», el nome completu del periódicu rusu Izvestia, que vien dicir: "Noticies del Comité Executivu Central“.
La distancia ente'l norte y l'estremu sur del archipiélagu ye de 49,5 km y el so anchor máximo ye de 21 km d'este a oeste.
La islla principal llámase Troinói (остров Тройной), tien 101,7 km² de superficie y 27 km de llargor y nella establecióse en 1953 una estación científica (Polyarnaya Stantsiya).
El mar qu'arrodia les islles ta cubiertu pola banquisa pel iviernu y el clima ye severu. Hai numberosos iceberes, inclusive pel branu.
L'estrechu entre Pologyy-Sergeyeva y la islla de Gavrilina conozse como estrechu Belukha (Proliv Belukha).dailymail.co.uk/news
El grupu d'islles ta so la alministración del Krai de Krasnoyarsk de la Federación de Rusia. Forma parte, dende 1993, de la Gran Reserva Natural del Árticu, la reserva natural más grande de Rusia.
Historia Les islles fueron afayaes en 1932 col rompehielos Sibiryakov, na espedición liderada por Otto Schmidt y el capitán Vladimir Voronin.
Referencies
Reserva Natural Breeding conditions for waders in Russian tundras in 1993 P.S. Tomkovich , .
Bibliografia William Barr, Reinhard Krause and Peter-Michael Pawlik, The polar voyages of Captain Eduard Dallmann, whaler, trader, explorer 1830–96.
Enllaces esternos
Account of an expedition of amateur radio operators with photographs.
Categoría:Islles de Rusia Categoría:Islles del Mar de Kara