Les eleiciones presidenciales de los Estaos Xuníos d'América celebráronse'l martes 3 de payares de 2020. Los principales candidatos a la presencia foron l'ex-vicepresidente'l país con Barack Obama y candidatu Demócrata, Joe Biden, y el presidente escoyíu nes eleiciones presidenciales de 2016 y candidatu Republicanu, Donald Trump.
Contestu Donald Trump salió escoyíu presidente'l país en payares de 2016 dempués de ganar a la candidata'l Partíu Demócrata, Hillary Clinton. Mientres el so mandatu, sacó a los Estaos Xuníos del Alcuerdu de París, intentó acabar col programa sanitariu "Obamacare", rompió'l Programa Nuclear con Irán, prohibió la entrada a ciudadanos de siete países de relixón islámica, reconoció Xerusalén como Capital del Estáu Israelín, aconceyó en dos ocasiones col Líder de Corea del Norte, Kim Jong-un, convirtiéndose nel primer presidente americanu en pisar suelu norcoreán; y tuvo una política comercial bélica cola República Popular China, presidida por Xi Jinping.
El país neses feches enfrentábase a una pandemia global por mor del virus "SARS-CoV-2" , virus que fizo qu'Estaos Xuníos fuera'l país del mundu con más contaxos y muertes.
Resultaos El 7 de payares de 2020, Joe Biden, ye proclamáu, xunto a la so candidata a la vicepresidencia'l país, Kamala Harris, vencedor nes eleiciones presidenciales d'esi añu. Bidens ganó con 306 comisarios y llogró ser el presidente más votáu na historia de los Estaos Xuníos con alredor de 78,6 millones de votos. Salió ganador nos estaos de: California, Nevada, Harizona, Washington DC, Nueva York, Georgia, Minnesota, Wisconsin, Illinois, Michigan, Maine, Vermont, Massachusetts, Nueva Jersey, Colorado, Nuevu Méxicu, Estáu de Washington, Oregón, Virxinia, Delaware, Pennsylvania, Conéctica y Ḥawai.
Referencies
Enllaces esternos
Categoría:Eleiciones n'Estaos Xuníos