Charlotte "Charlie" Murphy ye una actriz irlandesa. Ye conocida polos sos papeles na serie de RTÉ Love/Hate, por interpretar a Ann Gallagher na serie de BBC One Happy Valley y pol so papel como Jessie Eden na serie de BBC Peaky Blinders.
Carrera profesional Charlie Murphy nació n'Enniscorthy / Inis Córthaidh, nel condáu de Wexford; los sos padres Pat y Brenda Murphy yeren dueños d'un salón de belleza, y el so padre ye tamién un pastor cristianu renacíu. Cuando ella tenía 12 años d'edá la so familia treslladóse a la ciudá de Wexford, capital del condáu. Murphy estudió nel Gaiety School of Acting (un centru educativu de formación actoral) na ciudá de Dublín ente 2006 y 2008.
El so debú como actriz foi nun episodiu de la serie de televisión irlandesa The Clinic en 2009; depués trabayó en delles series de televisión. Hasta'l momentu'l so trabayu más reconocíu foi pol personaxe de Siobhan Delaney na serie Love/Hate de la cadena irlandesa RTÉ; un trabayu pol que recibió'l Premiu a la Meyor Actriz de 2013 de l'Academia de Cine y Televisión d'Irlanda.
Nel cine'l so debú foi con un personaxe secundariu na película Philomena de 2013; en 2014 foi la protagonista femenina (la princesa Inghean) de la película d'aición Northmen: A Viking Saga (ambientada na Escocia de l'Alta Edá Media). Tamién esi añu estrenó la película '71 na que tuvo un personaxe secundariu.
L'actriz interpreta a Ann Gallagher na serie Happy Valley, de 2014 al presente; ya interpretó'l personaxe de la reina Iseult na serie de televisión británica The Last Kingdom, de la BBC, en 2015. Dende 2017 interpreta'l papel de Jessie Eden na serie de BBC Two Peaky Blinders, un personaxe comunista basáu en fechos reales.
Filmografía AñuTítuluPapelProductoraNotes2017Peaky BlindersJessie EdenBBCSerie de televisión2017The Foreigner Maggie/Sara McKayPelícula2016RebellionElizabeth ButlerRTÉMiniserieTo Walk InvisibleAnne BrontëBBCSerie de televisión2015The Last KingdomIseultBBCSerie de televisión2014–2016Happy ValleyAnn GallagherBBCSerie de televisión2014QuirkeDeirdre HuntBBCTV mini-seriesNorthmen: A Viking SagaIngheanPelícula'71BrigidPelícula2013–2014The VillageMartha Lane /Martha AllinghamBBCSerie de televisión2013Ripper StreetEvelyn FoleyBBCSerie de televisiónPhilomenaKathleenPelícula2012MisfitsGraceChannel 4Serie de televisión2010–2014Love/HateSiobhan DelaneyRTÉSerie de televisión2010Single-HandedMairead O'SullivanRTÉSerie de televisión2009The ClinicNatasha HalpinRTÉSerie de televisión
Referencies
Enllaces esternos
Web oficial de Charlie Murphy
Categoría:Actores y actrices de televisión d'Irlanda Categoría:Actores y actrices de cine d'Irlanda Categoría:Wikipedia:Mantenimientu:Persones ensin plantía NF