Francisco Javier Fernández Vallina ye un académicu y políticu asturianu que desempeñó'l so llabor docente na Universidá Complutense de Madrid, onde foi direutor del Departamentu d'Estudios Hebreos y Arameos y miembru del Institutu Universitariu de Ciencies de les Relixones.
Biografía
Carrera académica En estudiando la llicenciatura de filosofía, doctoróse en Filoloxía Hebrea pola Universidá Complutense de Madrid (1980), con una tesis sobre'l Targum de Job, dirixida por Alejandro Díez Macho. Foi direutor del Departamentu d'Estudios Hebreos y Arameos, anguaño Departamentu de Llingüística, Estudios Árabes, Hebreos y d'Asia Oriental, y miembru del Institutu Universitariu de Ciencies de les Relixones.
Les sos llinies d'investigación ya intereses académicos algamen un ampliu númberu de temátiques, especialmente la hermenéutica, historia ya interpretación del testu bíblicu, el pensamientu xudíu na modernidá y les dinámiques sociorrelixoses de la dómina contemporánea, asina como les distintes dimensiones de racionalidá simbólica, qu'enllacia cola tradición crítica cola modernidá y la supremacía de la racionalidá instrumental de la Escuela de Frankfurt ocupó particularmente la so reflexón.
Trayeutoria política Amás de la so trayeutoria académica, Francisco Javier Fernández Vallina ocupó distintos cargos de responsabilidá pública col Partíu Socialista Obreru Español, siendo xefe de gabinete del ministru de Presidencia Alfredo Pérez Rubalcaba ente 1993 y 1996, y conseyeru d'Educación y Cultura del Principáu d'Asturies entre 1999 y 2003.
Premios y reconocencies Premiu Mircea Eliade de la Sociedá Chilena de Ciencies de les Relixones (2017).
Ver tamién Ciencies bíbliques Universidá Complutense de Madrid
Referencies
Categoría:Políticos y polítiques d'Asturies Categoría:Profesores d'Asturies Categoría:Persones de Llangréu