Emma Cabal Sánchez ye una escritora y profesora asturiana.
Biografía Escribió los sos primeros cuentos y poemes de neña, yá nel colexu. Llicencióse en Filoloxía Hispánica na Universidá d'Uviéu ya enseñó clases de Llingua y Lliteratura n'institutos d'educación secundaria d'Asturies.
Empezó a publicar los sos poemes n'internet, con testos que traten sobro amor, el sexu, el deséu, la llocura o la maternidá, ente otros asuntos. El so estilu coloquial, tresparente y direutu, foi calificáu pol escritor Ape Rotoma como un exemplu de poesía desnuda.Llanos López (2017).Ape Rotoma: «Prólogo» a La mujer que tengo más a mano. Madrid: Canalla Ediciones; páx. 14. Dalgunos de los poetes que más influyeron n'ella son Karmelo C. Iribarren, Amalia Bautista, Roger Wolfe o Luis Alberto de Cuenca.
Participó en numberosos recitales y alcuentros poéticos, ente otros en Voces del Extremo (Logroño, 2016) o nel Festival de Poesía Voix Vives (Toledo, 2015, 2016 y 2017).Programa del Festival Voix Vives (2015), consultáu'l 2 d'avientu de 2021.Programa del Festival Voix Vives (2016), consultáu'l 2 d'avientu de 2021.Programa del Festival Voix Vives (2017), consultáu'l 2 d'avientu de 2021.
Poemes Espublizó'l so primer llibru de poemes en 2015 sol títulu La mujer que tengo más a mano (Canalla Ediciones). El títulu ye una alusión a una fras de Miguel de Unamuno y quier sorrayar el conteníu autobiográficu de los testos.Pablo Areces: «Los profesores también escriben (entrevista a Emma Cabal por cuenta de la publicación del so primer llibru) », Alfonso 2 [revista dixital del IES Alfonso II d'Uviéu], 18 de payares de 2015.
El so segundu poemariu, No quiero estar allí cuando suceda (Canalla Ediciones, 2017), caltién la llinia poética del anterior. Cuenta con prólogu d'Antonio García y epílogu de Lorena Villamil.
Referencies
Enllaces esternos
Categoría:Escritores d'Uviéu Categoría:Profesores d'Asturies Categoría:Alumnáu de la Universidá d'Uviéu